هر ییل مملکتده حوت آیی نینگ ۹- تاریخیده عسکردن حمایت قیلیش ملی کونی نامیده نشانلنه‌دی، لیکن امنیتی کوچلر قطاریده جان‌لرینی قولدن بیرگن‌لرنینگ عایله اعضالری یمان وضعیتده حیات کیچیره‌دیلر.
بغلان ولایتیده امنیتی کوچلر قطاریده جان‌لرینی قولدن بیرگن‌لر عایله اعضالری نینگ سلام‌وطندارگه ایتیش‌لریچه، یمان وضعیتده حیات کیچیره‌دیلر و حکومت جان بیرگن عسکرلرنینگ اکرامیه پولی‌نی هم بیرمه‌یدی.
۳۰ یاشیده بولگن خان‌محمد، امنیتی کوچلر قطاریده فعالیت قیله‌ریکن، لیکن کمیده ایکی ییل آلدین دهشت تشیلاوچی‌لر هجومی سبب، هلاک ایتیلگن.
خان‌محمد نینگ ۶ کیشیلیک عایله‌سی پلخمری شهری نینگ اطرافیده کرایی اویده تیریک‌چیلیک قیله‌دی و اقتصادی وضعیتی یمان دیر.
اونینگ تورموش اورتاغی(خاتینی) گل‌دسته نینگ سلام‌وطندارگه ایتیشیچه، کمیده ۶ آی دن بویان تورموش اورتاغی (ایری) نینگ حقوقی‌نی قولگه کیلتیره آلمه‌گن.
شونینگدیک، ۱۵ یاشیده بولگن گل‌سیب نینگ ایتیشیچه، آته‌سی امنیتی کوچلر قطاریده جان بیرگن و حاضرده یمان وضعیتده تیریک‌چیلیک قیله‌دیلر و طالبان گروهی تامانیدن تهدید ایتیله‌دی‌لر.
خان‌محمد نینگ بویوک اوغلی کفایت‌الله ۱۲ یاشر دیر. او، آته‌سی نینگ اکرامیه‌‌سی زمانده توللنمه‌یشی خصوصیده حکومت نینگ دقت‌سیزلیگیدن تنقید قیله‌دی، لیکن تعلیم زمینه‌سی یره‌تیلگن صورتده، آته‌سی کبی امنیتی کوچلر قطاریگه قاشیلیشی‌نی بیلدیره‌دی.
خان‌محمد نینگ عایله‌سی کبی اونلرچه عایله، امنیتی کوچلر قطاریده بولگن یقین‌لرینی قولدن بیرگنیدن سونگ، آذیق-آوقات قولگه کیلتیریش اوچون کیچه و کندوز زحمت تارته‌دیلر.
گل‌مکی نینگ آته‌سی ملی اردو قطاریده اولکه دن دفاع قیله‌ریکن، بیراق هلمند ولایتیده طالبان هجومی سبب، هلاک ایتیلگن. او، اهالی تامانیدن اذیت ایتیلمسلیگی اوچون ایرکک باله‌لرنینگ کییمی‌نی کییم قول ساتووچی‌لیک قیله‌دی.
گل‌مکی نینگ ایتیشیچه، خره‌جتلرینی تیارلش اوچون آنه‌سی بیلن بیرلیکده پلخمری شهریده قول ساتیش بیلن شغل‌لنه‌دی، لیکن کته آرزوسی مکتب باریش دیر.
عینحالده، بغلان ولایتی بوییچه شهیدلر و ناگرانلر اداره‌سی آمری عبدالصبور صابریار نینگ ایتیشیچه، جاری ییلده امنیتی کوچلردن ۳۸۹۸ ته‌سی هلاک و ناگران بولیب بو اداره ده قید ایتیلگن.
امنیتی کوچلر قطاریده هلاک ایتیلگنلرنینگ عایله اعضالری، حکومتدن عسکر کونیدن نشانلش اورنیده اولردن قالگن‌لرنینگ یمان وضعیتی‌گه دقت قیلیشی‌نی سوره‌یدیلر.
