اوتگن کون کیچ قورون کابل‌دن بغلان تامان حرکت‌ده بولگن یولاوچی تاشووچی بیر موتر، بغلان نینگ خنجان تومنی ملخان ساحه‌سیده سرک‌دن چیقیب و چپه بولگن که نتیجه‌ده، اونلب کیشی هلاک و یره‌لنگن.
بغلان امنیه قوماندانلیگی سوزلاوچیسی شیر‌احمد برهانی نینگ ایتیشیچه، مذکور حادثه اوتگن کیچه ساعت ۱۱:۳۰ اطرافیده اوشبو ولایت خنجان تومنی نینگ ملخان منطقه‌‌سیده، یولاوچی تاشووچی «۵۸۰» تیپلی بیر موتر نینگ سرک‌دن چیقیب چپه بولگنی نتیجه‌سیده یوز بیرگن.
بیزلرنینگ توییترده هم تعقیب قیلینگ!
جناب برهانی گه کوره، حادثه یره‌دارلری ترافیک مدیریت ایشلاوچیلری آرقه‌لی درمان اوچون پلخمری شهری نینگ ولایتی کسل‌خانه‌سی گه انتقال بیریلیب و درمان آستیده قرار تاپگنلر.
شونینگدیک اوشبو حادثه یره‌دارلریدن قطاری نینگ ایتیش‌لریچه، موتر خنجان تومنی‌ده تخنیکی بیر قیین‌چیلیککه دوچ کیلگن و کیین ایسه، سرک‌دن چیقیب و چپه بولگن دیر.
سرپل ولایتی یشاوچیسی و اوشبو حادثه‌ده یره‌لنگنلریدن بیری حسین احمدی نینگ سلام‌وطندار گه ایتیشیچه: «اوتگن کون کابل ترمینلی‌دن اوشبو موتر گه مین‌دیک؛ خنجان گه بارگنی‌میزده تخته‌سنگ منطقه‌ده موتری‌میز نینگ بریکی سیندی. کیین موتر هیداوچی نینگ کنترولی‌دن چیقدی؛ هیداوچی موتر نینگ کنترول بولمه‌یشی نی ایتگنیدن کیین، شاوقین باشلندی. شونده‌ی بیرحالده موتر دریا ایچی گه توشدی. کیچه ساعت ۱۱ بجه ایدی. هیچ کیم، بیر بیری نی تانیمه‌یدی که نیمه بار و نیمه گپ.»
پلخمری نینگ دولتی کسل‌خانه مسئوللری اوشبو حادثه‌ده اولگن ۹ کیشی نینگ جسد‌لری نی عایله‌لری گه تسلیم بیرگنلر و وضعیت‌لری یامان بولگن کیشی‌لر نی بلخ حوزوی کسل‌خانه‌سی گه یوبارگنلر.
بیزلرنینگ فیسبوک صحیفه‌میزگه باش اورینگ!
پلخمری ولایتی کسل‌خانه رئیسی داکتر شاه‌ولی نینگ سلام‌وطندار گه ایتیشیچه: «قیغو بیلن کیچه ساعت ۱۲:۰۰ ده یولاوچی تاشووچی بیر موتر سرک‌دن چیقیب و چپه بولگن که اوشبو حادثه‌ده ۹ کیشی هلاک بولگن. اولگنلر نینگ جسد‌لری نی عایله‌لری گه تسلیم بیردیک و انه شوو کیچه، آمبولانس‌لر تیارلنیب و بوتون یره‌دارلر نی کسل‌خانه گه انتقال بیرگن. حاضر ایسه وضعیت‌لری کنترول آستیده دیر و وضعیت‌لری یامان بولگن‌لر نی بلخ حوزوی کسل‌خانه‌سی گه انتقال بیریلدی.»
شونده‌ی بیرحالده، اوتگن کون عصر چاغی، مذکور یول‌ده ایکی موتر نینگ توقنشگنی سبب، باله‌لر و عیال‌لر شامل اوچ کیشی اولیب و یره‌لنگن ایدی.
ایتیش کیره‌ک که، سونگی آی‌لرده مملکت‌ده ترافیکی حادثه‌لر کوپه‌‌یگن و هر کون هر ولایت‌ده بیر ترافیکی حادثه‌دن گزارش بیریله‌دی.
