سالنگ قتناو یولی مسئوللری یولاوچی تاشووچی تیپلی بیر موتر نینگ چپه بولگنیدن خبر بیرگنلر.
سالنگ قتناو یولیدن حفظ و مراقبت قیلیش باشلیغی ابومحمد حافظ محمدیعقوب اوشبو خبرنی تصدیقلب سلام‌وطندار گه ایتیشیچه، اوتگن کیچه ساعت ۱۱:۳۰ اطرافیده یولاوچی تاشووچی «۵۸۰» تیپلی بیر موتر جنوب‌دن شمال تامان حرکت‌ده ایکن که، خنجان تومنی نینگ (سنگ ملخان) ساحه‌سیده سرک‌دن چیقیب و چپه بولگن.
بیزلرنینگ فیسبوک صحیفه‌میزگه باش اورینگ!
سالنگ قتناو یولیدن حفظ و مراقبت قیلیش باشلیغی ابومحمد حافظ محمدیعقوب نینگ کوپه‌یتیریشیچه، مذکور ترافیکی حادثه‌ده ۸ کیشی هلاک ۲۸ کیشی ایسه یره‌لنگن که، اولگن‌لر آره‌سیده ۵ ایرکک، ایکی عیال و بیر باله شامل دیر.
جناب یعقوب گه کوره، مذکور حادثه سببی، هیداوچی نینگ تیز هیده‌یشی و احتیاط‌سیزلیگی دیلگن.
بیزلرنینگ توییترده هم تعقیب قیلینگ!
ایتیش کیره‌ک که، اوشبو یولاوچی تاشووچی موتر‌ده ۵۵ یولاوچی بار ایکن و حادثه نتیجه‌سیده هلاک بولگنلر و یره‌دارلر سانی اوزگرماق‌ده دیر.
