هرات کانلر و پترولیم ریاستی مسئوللری، اوشبو ولایتنینگ غوریان تومنیده «توز کانی»نی قزیب آلیش جریانی، جاری هفته یکونیگچه باشلنیشیدن خبر بیردیلر.
هرات کانلر و پترولیم باشلیغی عبدالواحد کاتب، بو لایحه باشلنیشی بیلن، دییرلی بیرمینگ ۵۰۰ کیشی ایش بیلن تأمینلنیشینی بیلدیردی.
اونگه کوره، حاضرده هرات ولایتیده اونلب کان قیدیرو، قزیب آلیش و قانونیلشتیریش باشقیچیده تورگن.
کاتبنینگ کوپهیتیریشیچه، ایکی تاش کومیر کانی، ایکی مرمر کانی، بیر سرب کانی، تورت تیمیر کانی، بیر باریت کانی و زندهجان کان لایحهسی، قیدیرو باسقیچیده بولگن کانلردن عبارت.
هرات کانلر و پترولیم ریاستی مسئوللرینینگ ایتیشیچه، قویاش ۱۴۰۴ییل دوامیده بو ولایت کانلریدن ۳۱۸ میلیون افغانی درآمد ییغیلگن، بو رقم قزیب آلیش مقداری آشیریلگنی و کوپ سرمایه کیریتیلگنینی کورستهدی.
توز، مرمر، تاش کومیر، تیمیر، سرب، باریت، گچ، آهک تاشی و باشقه قیمت و یریم قیمتبها تاشلر، هراتده انیقلنگن کانلردن عبارت دیر.
