مملکت ملی مدافعه وزیرلیگی نینگ بیر خبرنامه نشر قیلیب ایتیشیچه، هلمند ولایتیده اویوشتیریلگن هوایی هجوم نتیجه‌سیده، طالبان نینگ حربی کمیسیونی اورین باسری هلاک ایتیلگن.
بوگون (شنبه ۱۰- عقرب) ملی مدافعه وزیرلیگی تامانیدن نشر قیلینگن خبرنامه کوره، مذکور هوایی هجوم هلمند ولایتی نینگ ناوه تومنی‌نی «خسرآباد» منطقه‌سیده اویوشتیریلگن.
ملی مدافعه وزیرلیگی تامانیدن بیریلگن معلومات‌گه کوره، اوشبو هجوم ده طالبان حربی کمیسیونی اورین باسری نینگ ۱۰ یولداشی هم هلاک ایتیلگن.
ملی مدافعه وزیرلیگی نینگ کوپه‌یتیریشیچه، طالبان حربی کمیسیونی اورین باسری نینگ آتی «ملا امان‌الله» ایکن و «شفیق» نام‌لی بیر شبکه‌نی رهبرلیک قیله‌ریکن.
مذکور خبرنامه‌گه کوره، اویوشتیریلگن هوایی هجوم نتیجه‌سیده، طالبان گروهی‌گه تیگیشلی بولگن قطار حربی تجهیزات نابود قیلینگن.
طالبان گروهی حاضرگه‌قدر بو خبر خصوصیده صحبت قیلمه‌گن.