حزب‌الله لبنان اعضالری نینگ پیجرلری پارتلشی عاقبتیده قربان بولگنلر رقمی ۲۰ کیشی یېتگن.
خلق‌ارا یېتکرمه‌لر لبنان ساغلیق‌نی سقلش وزیرلیگیدن نقل قیلیب ایتیشلریچه، ۲۸-سنبله، چهارشنبه کونی اوشبو مملکت ده حزب‌الله اعضالری نینگ پیجرلری پارتلشی عاقبتیده قربان‌لر ۲۰ کیشی و یره‌لنگنلر رقمی ۴۵۰ کیشی گه یېتگن.
بوندن آلدین، اوشبو واقعه‌لرده ۸ کیشی هلاک بولگنی و ۲۰۰ کیشی یره‌لنگنی اېتیلگن اېدی.
بیزلرنینگ فیسبوک صحیفه‌میزگه باش اورینگ!
بو پیجرلر علاقه قوریش مقصدیده حزب‌الله لبنان اعضالری اۉرته‌سیده ترقه‌تیلگن اېکن که ترقه‌تیلیشیدن آلدین اسرائیل دولتی تامانیدن هک بولگنی یا که پارتلش ماده‌لر اوره‌تیلگنی اېتیلگن.
اسوشیتدپرس نینگ معلوماتی اساسیده، بو پارتلش‌لر لبنان و سوریه نینگ ایریم قسمت‌لریده حزب‌الله لبنان اعضالری آره‌سیده یوز بیرگن.
بو واقعه‌لر تینچ اهالیدن هم قربان‌لیک آلگنی اېتیلگن.
بیزلرنینگ «ایکس» ترماغی ده هم تعقیب قیلینگ!
معلومات‌لر گه بناً، حزب‌الله اعضالری بیر-بیری بیلن علاقه قوریش پیتیده پارتلش یوز بیرگن.
لبنان بویلب پیجرلر پارتله‌شیدن سۉنگ، حزب‌الله اسرائیل دن قصاص آلیشی حقیده آگاه‌لنتیرگن.
اسرائیل دولتی بوتوغریده حاضرگچه فکر-ملاحظه بیلدیرمه‌گن.
