بوگون “دوشنبه” دین عالم‌لردن بیرقطاری کابلده بیر ییغین اوتکزیب مملکتده دوامی بولگن وضعیتدن خواطر بیلدیریب و طالبان گروهی‌نی بو وضعیتده مقصر عنوان قیلگنلر.
دین عالم‌لرنینگ ایتیش‌لریچه، طالبان کروهی افغانستانده چیت‌ایللیک کوچلرنینگ حضوری‌گه بهانه قیلیب تینچ اهالی‌نی اولدیره‌ریدی؛ بیراق چیت‌ایللیک کوچلرنینگ چیقیش جریانی باشلنگنیدن سونگ، اولرنینگ زوروانلیک‌لری ایکی برابر بولگن.
بیزلرنی فیسبوک‌ده تعقیب قیلینگ
کابل ولایتی بوییچه عالم‌لر کینگشی باشلیغی عبدالقادر قانت نینگ ایتیشیچه، مملکت بوتون ولایت‌لریده طالبان نینگ هجوم‌لری شدت‌لنگنی سبب، تینچ اهالی زیان کورماقده.
جناب قانت گه کوره، طالبان تامانیدن زوروانلیک کوپه‌یتیریلیشی قابل قبول ایمس، دنیا و افغانستان دین عالم‌لری مملکتده دوامی بولگن اوروش‌نی فتنه دیگنلر.
- عربستان و پاکستان دین عالم‌لری افغانستان اوروشی نی حرام اعلام قیلگن
- بنگلادیش دین عالم‌لری: افغانستانده‌گی جاری اوروش حرام دیر
- دین عالم‌لر: افغانستانده دوامی بولگن اوروش‌نی شرعی جوازی یوق
دین عالم‌لرنینگ کوپه‌یتیریش‌لریچه، حاضرگی وضعیتدن چیقیش اوچون افغانستان حکومتی و طالبان گروهی‌نی سوزلشووگه تیار بولیش‌لری کیره‌ک.
کابل تومن‌لری بوییچه دین عالم‌لر کینگشی باشلیغی مولوی جمال‌الدین نینگ ایتیشیچه، ایکی تامان سوزلشوولر آرقه‌لی اوروش‌نی یکونلنتیریب و آتیش‌کسین اوچون سعی و حرکت قیلیش‌لری کیره‌ک.
بیزلرنی فیسبوک‌ده تعقیب قیلینگ
ایتیلیشیچه، بوندن آلدین هم مملکت دین عالم‌لری بیرقطار ییغین‌لر یولگه قویش بیلن دوامی بولگن اوروش‌نی ناتوغری عنوان قیلیب و آتیش‌کیسین صورت تاپیشی‌نی ایسته‌گن ایدی.