آلمان باش وزیری آنگلا مرکل نینگ افغانستانده زوروانلیکلر کوپه‌یگنیدن خواطر بیلدیریب ایتیشیچه، تینچلیک سوزلشوولرنینگ دوامی بولگن بیر حالده، زوروانلیک نینگ کوپه‌یشی قبوللنمه‌یدی.
بوگون “پنجشنبه” جمهورلیک ریاستی نینگ بیر خبرنامه آرقه‌لی اعلان قیلیشیچه، خانم مرکل اوشبو صحبت‌لرنی اوتگن چهارشنبه کونی شام چاغیده، افغانستان جمهور رئیس‌ی محمداشرف غنی بیلن اوتکزگن ویدیو کنفرانسده بیان قیلگن.
خبرنامه گه کوره، آلمان باش وزیری افغانستانده آتیش‌کیسین اعلان ایتیلیشی اوستیگه تاکید قیلیب و سوزلشوولر جریانیده زوروانلیکلر نینگ دوام قیلیشی‌نی قابل قبول بیلمه‌گن.
خانم مرکل نینگ کوپه‌یتیریشیچه، آلمان، دموکراتیک نظام مسلط بولگن ایرکین بیر افغانستاندن حمایت قیله‌دی. اونینگ تاکید قیلیشیچه، اوز مملکتی افغانستانده بولگن یاردم‌لری نینگ دوام قیلیشی‌گه تعهدلی دیر.
جمهورلیک ریاستی تامانیدن نشر قیلینگن خبرنامه‌گه کوره، ایکی تامان فبروری آییده یولگه قویله‌دیگن ناتو تشکیلاتی نینگ مدافعه وزیرلری ییغینیده اشاره قیلیب و اوشبو ییغین نینگ افغانستان تینچلیک جریانی و امنیتی و دفاع کوچلردن حمایت قیلینیشی توغریسیده بحث قیلگنلر.
جمهور رئیس غنی، آلمان نینگ تورلی بولیم‌لرده قیلگن یاردم‌لریدن منت‌دارلیک بیلدیریب و افغانستان حکومتی ایکی مملکت آره‌سیده بولگن اقتصادی و سوداگرلیک همکارلیکلر کینگشی اوچون سعی و حرکت قیله‌دی دیگن.
جناب غنی نینگ کوپه‌یتیریشیچه، افغانستان حکومتی اوشبو مملکت تولیدات‌لری اینقسه قوروق میوه نینگ آلمان بازارلریگه انتقال بیریش اوچون ایکی مملکت آره‌سیده هوایی دهلیز ایجاد ایتیلیشی‌نی تیکشیره‌دی. خبرنامه‌گه کوره، آلمان باش وزیری اوشبو پیشنهادنی خوش قرشی‌لگن.