اوتگن کونی بریتانیا نینگ دیلی‌میل کونده‌لیگی، چین نینگ حربی اوچاغ‌لری اوشبو مملکت حربی کوچلر و حربی تجهیزات‌لرینی بگرام قونالغه‌سیده انتقال بیرگنیدن خبر بیرگن ایدی.
بیزلرنینگ فیسبوک صحیفه‌میزگه باش اورینگ!
اسلامی امارت ایچکی ایش‌لر وزیرلیگی چین حربی‌لری نینگ بگرام قرارگاهی‌گه حضور تاپگنی‌نی رد قیلگن، لیکن سیاسی ایش بیلرمانلردن بیرقطاری نینگ ایتیش‌لریچه، چیت‌ایللیک حربی‌لری نینگ اوشبو قرارگاه ده حضوری توغری بولگن صورتده، افغانستان زیان کوره‌دی.
سیاسی ایش بیلرمانلردن بیری محمدحسن حقیار نینگ ایتیشیچه، چین حربی‌لری نینگ افغانستانده‌گی حضوری اوشبو مملکت یشاوچی‌لرینی باشقه بیر نیابتی اوروش باشله‌نیشی‌گه تحریک قیله‌دی و اوتگن کون و بوگون آره‌سیده هیچ‌قنده‌ی فرق قالمه‌یدی.
سیاسی ایش بیلرمانلردن باشقه بیری میربت‌خان منگل، چین کوچلرینی بگرام قونالغه‌سیده حضور تاپیشی‌نی مملکت منفعتی‌گه بیلمه‌یدی. اونینگ ایتیشیچه، تشقی کوچلرنینگ افغانستانده حضور تاپیشی باشقه بیر اوروش باشله‌نیشی‌گه سبب بوله‌دی.
اونینگ کوپه‌یتیریشیچه، چیت‌ایللیک کوچلرنینگ افغانستانده‌گی حضوری اشغال حساب‌لنه‌دی و اسلامی امارت مسوول‌لری نینگ بوتوغریده اهالی‌گه معلومات بیریشی کیره‌ک.
ایچکی ایش‌لر وزیرلیگی نینگ مطبوعاتی بولیمی باشلیغی سید خوستی، بگرام قرارگاهی‌ده چین کوچلری نینگ حضورینی رد قیلگن. اونینگ ایتیشیچه، خلق ارا کوچلری نینگ افغانستانده‌گی حضوری یکونلنگن.
ایتیلیشیچه، ایکی کوندن بویان اجتماعی ترماقلرده نشر ایتیلگن بیرقطار تصویرلر چین حربی‌لرینی بگرام قرارگاهی‌ده موجود بولگنی‌نی کورسته‌دی.
بیزلرنینگ فیسبوک صحیفه‌میزگه باش اورینگ!
بوندن آلدین هم چین حربی‌لرینی بگرام قرارگاهی‌ده جایلشی‌شی خصوصیده بیرقطار مش‌مشلر نشر ایتیلگن ایدی، لیکن اسلامی امارت تامانیدن رد ایتیلگن ایدی.