افغانستان اسلامی امارت حاکمیت گه ایریشیشی‌دن کیین مملکت نینگ ایریم ولایت لریده مهربان‌لیک اوی لردن قطاری بودجه سیزلیک باعث فعالیتلری نی توخته‌تگن و اوشبو مهربان لیک اوی لرده‌گی باله‌لر حاضر باش پنه‌سیز و شاقه ایش‌لرگه یوز کیلتیرگن‌لر.
۱۵ یاشر پرویز، ایرتن دن شام گچه غور مرکزی فیروز‌کوه سرک لریده کیچیک یاشلی ایناغه‌سی بیلن کفاش‌لیک قیله‌دی ایتیشیچه، بوندن آلدین«مستورۀ غوری» پرورشگاه سیده بولیب اوییرده تعلیم کورر ایدی.
اونینگ اورغولشیچه، باله‌لر اوی باغله‌نیشیدن کیین اوزی و باشقه باش پنه سیز باله‌لر اوییرنی ترک ایتگن‌لر. پرویز نینگ ایتیشیچه، قهرتان قیش ده تیریک قالیش و بیر لقمه نان تاپیش اوچون کفاش‌لیک قیلیش‌گه مجبور دیر.
بیزلرنینگ فیسبوک صحیفه‌میزگه باش اورینگ!
پرویز دن سل نری‌راغ، اوشبو مهربان لیک اوی ده‌گی باشقه باله‌لر کوریله‌دی که بیری بیر دکان ده ایشله‌یدی، باشقه بیری قول ساتووچیلیککه مصروف و باشقه بیرقطاری هم شاققه ایش‌لرگه قول اوریب و تقدیرلری نامعلوم دیر.
پرورشگاه‌لر باغله‌نیشی یالغیز غورده‌گی باله‌لرنی تقدیر سیز قیلمه‌گن، بلکه باشقه ولایت لرده هم اکثر باله‌لر بو کبی وضعیت گه دوچ لر.
بادغیس ولایتی‌ده سرپرست سیز محمد شفیع ناملی بیر باله نینگ ایتیشیچه: «سابق پرورشگاه ده ایدیک، حاضر ویران ایتیلگن. بیزنی قیینچیلیگیمیز جای یوق لیگی دیر. آوقت‌لنیشگه ییر نانی‌میز یوق؛ بیر لقمه نان اوچون مستری خانه‌لرده باریب شاگرد بولیش دن باشقه چاره یوق. تعلیم دن قالگن میز.»
مذکور باله‌لر مسئول‌لر و یاردم بیرووچی موسسه‌لردن، اولرگه باشه پنه و تعلیم شرایطی یره تیلیشی اوچون پرورشگاه لرینی قیته‌دن فعال قیلیش لرینی طلب قیله‌دیلر.
بیزلرنینگ توییترده هم تعقیب قیلینگ!
عین‌حالده، غور یشاوچیلریدن قطاری، باش پنه سیز باله لرنینگ تعلیم و تربیه‌لش اهمیتی اوستیده تاکیدلب، مسئول‌لر و بشر حقوقی همده باله‌لرنی قوللب قوتلاوچی نهادلردن، باله‌لر اوی‌نی قیته‌دن فعال قیلیب و اولرنینگ کیله‌جگی اوچون ریجه نظرگه آلیشینی سوره‌یدیلر.
غور و بادغیس ولایت لری ایش و اجتماعی ایشلر ریاست لری نینگ متصدی‌لری، باله‌لر برابری ده‌گی قیینچیلیک لرنی تصدیقلب ایتیشلریچه، اولر مرکز و باله‌لرنی قوللب قوتلاوچی مؤسسه‌لر همکارلیگی بیلن، پرورشگاه لرنی قیته‌دن فعال قیلیش اوچون سعی-حرکت قیلماقده‌لر.
مسئول‌لرنینگ ایتیشلریچه، اوتکی‌لرده یوزلب سرپرست، مهاجر و قشاق باله مذکور ولایت لرده‌گی دولتی باله‌لر اوی‌ده قبول قیلینیب و تعلیم کورر ایدیلر.