آمریکا میدیالری نینگ گزارشی اساسیده، اوشبو مملکتده‌گی بیر محکمه، آمریکا جمهوررئیسی جوبایدن دولتی‌گه افغانستان نینگ موزله‌تیلگن پوللری تقدیری خصوصیده بیرقرار گه کیلیش اوچون ایکی هفته وقت بیرگن.
مذکور رسانه‌‌لرنینگ گزارش بیریشیچه، آمریکا دولتی نینگ افغانستان‌گه عاید توسیلگن پول‌لر حقیده قرار آلیش وقتی اوتکن کونی یکونلندی، بیراق منهتن ده بیر محکمه قاضی سی سارا نتبرن اوشبو مملکت بانک لریده‌گی پول‌لر حقیده قرار آلیش اوچون ۱۱ فبروری‌گچه وقت تعینله‌گن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، آمریکا قوشمه ایالتی اسلامی امارت نینگ قدرت‌گه ایریشگنی بیلن، افغانستان مرکزی بانکی نینگ سرمایه‌لریدن ۹ میلیارد دالردن آرتیغی‌نی مذکور مملکت بانکلریده توسگن. باشقه بیر تاماندن گزارشلر اساسیده، حاضر ۲۰۰۱-ییل ۱۱-سپتامبرده اویوشتیریلگن هجوم‌لرده قربان بولگنلر نینگ عایله‌لری بو مقدار پول نینگ غرامت صفتیده آلیشینی کوتماقده‌لر لیکن اسلامی امارت اوشبو مقدار پول آزادایتیلیشینی تاکید ایتماقده‌لر.
آق سرای سوزلاوچیسی جن ساکی بوندن آلدین افغانستان نینگ موزله‌تیلگن پوللری آزاد ایتیلیشی‌نی مرکب و قیین دیب، ۱۱- سپتامبر هجوملریده قربان بولگن عایله‌لری نینگ حقوقی دعواسی اوشبو موضوع نینگ قیین‌چیلیکلریدن بیری ایکینینی ایتکن ایدی.
بیزلرنینگ توییترده هم تعقیب قیلینگ!
عین حالده، تشقی ایشلر وزیرلیگی نینگ ایتیشیچه، اسلو سونگی ییغینیده اسلامی امارت هیاتی بیلن آمریکا خزانه‌دار وزیرلیگی نینگ ییریک رسمی‌لری، توسیلگن پول‌لر و اقتصادی تحریم‌لر حقیده اوچره‌شیب بو توغریده بحث ایتگن‌لر.
