اوشبو بیره‌م بادغیس مدنی نهادلری و مذکور ولایت سپورت اداره‌سی نینگ اویغون‌لیگی بیلن «اخوت و ایناغه‌لیک» عنوانی آستیده اوتکزیلگن.
مذکور بیره‌م بادغیس ولایتی «پسته‌لیق» منطقه‌سیگه اوشبو ولایت یشاوچیلری آره‌سیگه بیرلیک و ایناغه‌دارچیلیکنی اورته گه کیلتیریش مقصدیده ایکی کونگه قدر یولگه قوییلگن دیر.
بیزلرنینگ فیسبوک صحیفه‌میزگه باش اورینگ!
شونینگدیک اوشبو بیره‌م ده بادغیس یشاوچیلری شامل هرات، فراه، غور، فاریاب، بلخ، قندهار و باشقه بیرقطار ولایت‌لر یشاوچیلری اشتراک قلیب، بو بیره‌م ده نمایش گه قویلگن دَم آلیش برنامه‌لر و ورزشی نمایش‌لرینی تماشا قیلگن‌لر.
مذکور بیره‌م نی یولگه قویگن کیشی‌لر نینگ ایتیشلریچه، اسلامی امارت افغانستانده حاکم بولگن‌دن کیین بو بیرینچی مراتبه دیرکه بو کبی کتته طنطه‌لی بیرم اوشبو ولایت‌ده یولگه قوییله‌دی.
بیزلرنینگ توییترده هم تعقیب قیلینگ!
بادغیس مدنی جماعه‌چیلیک باشلیغی، ارباب شیخ الاسلام و بو بیره‌می نی یولگه قویگن کیشی‌لردن بیر نینگ ایتیشیچه: «بیزافغان‌لر برچه میز ایناغه میز و هیچ بیرکیشی بیزلرنی ایره‌آلمه‌یدی، شو بیرلیکی میزنی باشقه‌لرگه کورسته‌تیش و بیرلیک و بردملیگی میز کوچه‌یشیتیریش اوچون اوشبو بیره‌م نی یولگه قویدیک.»
شونده‌ی بیرحالده، تورلی ولایت‌لردن اوشبو بیره‌م ده قتنشگن بیرقطار ییگیت‌لر نینگ ایتیشلریچه، امنیت تامین ایتیلگن صورتده، مملکت نینگ تورلی حدودلریگه سفر قیلیش‌لری ممکن.
اولر اوخوت و ایناغه‌دارچیلک اوستیگه تأکید قیلیب، مملکت بوتون یشاوچیلریدن تعصب و قوم پرست‌لیک دن قول تارتیب صلح و تینچ فضاگه حیات کیچیریشلرینی سوره‌یدیلر.
