افغانستان تینچلیک جریانی بوییچه امریکا تشقی ایشلر وزیرلیگی نینگ خاص نماینده‌سی زلمی خلیلزاد کابل، دوحه و منطقه‌ده‌گی ینگی سفرینی باشله‌گن.
آمریکا تشقی ایشلر وزیرلیگی نینگ اعلان قیلیشیچه، جناب خلیلزاد اوشبو سفر ده کابل، دوحه و باشقه بیرقطار مملکت‌لرگه باریب افغانستان تینچلیک جریانی خصوصیده بحث قیله‌دی.
اوتگن “یکشنبه” کونی آمریکا تشقی ایشلر وزیرلیگی نینگ بیر خبرنامه نشر قیلیب ایتیشیچه، جناب خلیلزاد اوشبو سفر ده افغانستان جمهوریتی و باشقه رهبرلری، طالبان و منطقه مملکتلری نینگ نماینده‌لری بیلن اوچره‌شیب افغانستان تینچلیک جریانی و آتیش‌کسین برقرار قیلینیشی خصوصیده بحث قیله‌دی.
زلمی خلیلزاد نینگ اوشبو سفری، آمریکا و طالبان آره‌سیده امضا ایتیلگن تینچلیک شرطنامه نینگ بیر ییل‌لیگی سبب، باشلنه‌دی.