بامیان حاکمی مطبوعاتی دفتری بیر خبرنامه ترقه‌تیب ایتیشیچه، دولت اداره‌لری و خصوصی نهادلر، دولتی رسانه‌لر (ملی رادیو تلویزیون و باختر آژانسی) حضوری بیلن اوشبو ولایت نینگ حاکمی عبدالله سرحدی گه ۶ آی‌لیک ایشلری و یوتوق‌لری باره‌سیده گزارش بیرگن‌لر.
خبرنامه اساسیده، اوشبو گزارش بیریش، خلق نماینده‌لری، خبرچی‌لر و میدیالر حضورسیزلیگی‌ده اوتکزیلگن. بامیان ولایتی حاکمی مطبوعاتی دفتری نینگ معلوماتی اساسیده، حکومتدارلیک سکتورلر، امنیت، اجتماعی مصونیت، ساغلیک و معارف اوشبو ولایتده اسلامی امارت حاکمیت گه ایریشگنیدن بویان جدی قیینچیلیککه روپه‌رو بولیشمه‌گن.
بیزلرنینگ فیسبوک صحیفه‌میزگه باش اورینگ!
اوشبو سکتورلر نینگ معلوماتی اساسیده، عدلی و قضایی نهادلر شامل دولت اداره‌لری، مراجعتچیلر نینگ قیینچیلیکلرینی حل قیلیش اوچون آچیق دیر، اوتگن ۶ آی‌ده بامیان ولایتی بویلب امنیتی قیینیچلیک یوق، انسان پرورلیک یاردم‌لر اوشبو ولایت یشاوچیلری گه بیر تور ترقه‌تیلماقده، مرکزی عالی درگاه‌لر قیز و اوغیل باله‌لر یوزی گه آچیق دیر، کسلخانه‌لر و ساغلیک مرکزلر عادی روشده بامیان خلقی گه خذمت کورسه‌تیب کیلماقده.
خبرنامه‌ده کیلیشیچه، قیشلاق‌لرنی رواجلنتیریش بولیمیده اوتگن ۶ آی‌ده ۳۰ ییچیملیک قودوق، ۹ حفظ‌الصحه پروژه، ۵ سو ییتکیزیش پروژه و ۲ سوغاریش پروژه شامل ۴۶ پروژه بامیان مرکزی و تومن‌لریده قوریلگن. خبرنامه نینگ کوپه‌یتیریشیچه، ۱۱۸ قویاش برق پروژه‌سی، ۱۴۲ سو ییتکیزیش پروژه و ۲۵ سوغاریش پروژه شامل ۲۸۵ میثاق شهروندلیک پروژه، سونگی سیاسی اوزگریش‌لر بامیان مرکزی و تومن‌لریده فعالیتی توختته‌گن، تیزلیک بیلن باشلنه‌دی.
بامیان ولایتی حاکمی نینگ مطبوعاتی دفتری خبرنامه‌سیده کیلیشیچه، اوتگن ۶ آی‌ده اوشبو ولایت نینگ مستوفیت اداره‌سی ۶۶ میلیون ۷۸۶ مینگ ۵۸۳ افغانی درآمد قیلگن. خبرنامه گه اساس، اوتگن ۶ آی‌ده بامیان نینگ کهمرد تومنی«دوآب میخ‌زرین و آشپشته» قیشلاغ‌لریده ییرلشگن تاش کومیر کانینی قازیب چیقاریش‌دن، ۷۶ میلیون افغانی کان‌لر و پترولیم وزیرلیگی خزینه‌سی گه توللنگن. بامیان محلی اداره‌سی اوتگن ۶ آی‌ده ۱۶۲ میلیون ۲۱۸ مینگ ۷۸۹ افغانی درآمد توپله‌گن.
بیزلرنینگ توییترده هم تعقیب قیلینگ!
بامیان حاکمی عبدالله سرحدی، گزارش بیریش ییغینی یکونیده، اوشبو ولایت محلی مسئول‌لری نینگ معلومات‌لرینی آلقیشلش بیلن، تیزلیک‌ده دوشی-بامیان برق لینی انتقال ایشینی قیته‌دن باشلب و فایده‌لنیشگه تاپشیریلیشیدن ایشانچ بیلدیردی.