تخار خوفسیزلیک مسئوللری، اوشبو ولایت ده بیر عایله نینگ سکیز اعضاسی اولدیریلیب و یره‌لنتیریلگنیدن خبر بیره‌دیلر.
تخار امنیه قوماندان‌لیگی سوزلاوچیسی عبدالمبین صافی نینگ سلام‌وطندار گه ایتیشیچه، اوشبو واقعه یک‌شنبه کیچه، ۲۳_میزان، تخار مرکزی تالقان شهری گه قره‌شلی «خس کپه» منطقه‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، بیر عایله نینگ تورت اعضاسی «کیاوی» تامانیدن اولدیریلیب و باشقه تورت اعضاسی ایسه یره‌لنتیریلگن.
اونگه کوره، مذکور عایله نینگ «کیاوی» کیچه یشش اوی‌لری گه کیریب، اوز خاتینی گه قوشیمچه، قیین‌آنه، قیین‌سینگیل و کیچیک یاشر بیر قیین‌آغه‌سینی آتیب اولدیریب و اوشبو عایله نینگ باشقه تورت اعضاسینی یره‌لنتیرگن.
تخار امنیه قوماندان‌لیگی سوزلاوچیسی، واقعه عامل‌لری مذکور عایله نینگ کیاوی شامل ایکی کیشی بولیب و اولردن بیری قولگه آلینگن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، مملکت نینگ قطار ولایت‌لریده انده_سنده شخصی دشمن‌لیک، ییر و اوتلاق‌لر اوستیده جنجل یوز بیریب و یشاوچیلر نینگ اولیمی گه سبب بولگن.
