تخار ولایتیده مردمی منبع‌لر نینگ ایتیشلریچه، اوشبو ولایت نینگ هزار سموچ تومنی «کورقودوق» قیشلاغیده «پیکپ» رسوملی بیر موتر نینگ چپه بولیشی عاقبتیده ۱ کیشی اولیب وباشقه ۴ کیشی یره‌لندی.
تخار ولایتی مقامی نینگ مطبوعاتی دفتری بیر بیانیه ترقه‌تیب ایتیشیچه، اوشبو واقعه اوتگن کون شام چاغی (چهارشنبه، ۲۳ سنبله) ساعت ۶:۰۰ اطرافیده، هزار سموچ تومنیده یوز بیرگن که نتیجه ده، بیر کیشی هلاک بولیب و باشقه تورت کیشی یره‌لنگن.
بیزلرنینگ فیسبوک صحیفه‌میزگه باش اورینگ!
بیانیه گه بناً، اوشبو واقعه طفیلی یره‌دارلر خوفسیزلیک کوچلر تامانیدن تخار ولایتی کسلخانه‌سیگه انتقال بیریلگن.
تخار مسئوللری، هیداوچی نینگ دقت‌سیزلیگی باعث اوشبو حادثه یوز بیرگنینی معلوم قیله‌دیلر.
شونینگدیک بیانیه ده کیلیشیچه، اوتگن ییلی تخار ولایتی هزار سموچ تومنی کور قودوق قیشلاغی یولیده هیداوچی نینگ دقت‌سیزلیگی و یول بوزوق‌لیگی باعث، یولاوچی تاشووچی بیر موتر چپه بولیب و بیر قطار کیشی‌لر اولیب و یره‌لنگن ایدیلر.
بیزلرنینگ توییترده هم تعقیب قیلینگ!
ایتیش کیره‌ک که، اوشبو کونلر، مملکت نینگ تورلی ولایت‌لریده ترافیکی حادثه‌لر کوپه‌یگن.
