آی‌خانم، «آمو» دریا و «کوکچه» دریاچه‌سی آره‌لیغیده، تخار ولایتی دشت قلعه تومنیده ییرلشگن مملکت نینگ تاریخی شهرچه‌لریدن سنله‌دی؛ بیراق حاضر اوشبو تاریخی شهرچه دن یالغیز ویرانه‌لر قالگن.
دشت‌قلعه تومنی یشاوچیلری، اوتگن ییل‌لرده آی‌خانم باستانی شهرچه‌سی نینگ اثرلری محلی زوروانلر تامانیدن قاچاق ایتیلیشیگه اشاره قیلیب، حکومتدن اوشبو شهرچه محافظت قیلینیشینی طلب قیله‌دیلر.
بیزلرنینگ فیسبوک صحیفه‌میزگه باش اورینگ!
آی‌خانم یشاوچیلریدن اسدالله زمری، مذکور باستانی شهرچه باره‌سیده ایتیشیچه: «ایچکی اوروش‌لر و اوندن کیین، اوشبو تاریخی مکان بیرقطار زوروانلر تامانیدن ناقانونی شکلده قازیلدی، آی‌خانم ده‌گی موجود اثرلر وحشی‌لرچه چیت ایل مملکت‌لر گه قاچاق بولدی، حاضر هم قیمت‌بها تاش‌لریدن قطاری، مذکور شهرچه نینگ اطرافی و قوشنی تومن‌لریده زوروان کیشی‌لر آلدیده سقلنماقده دیر.»
دشت‌قلعه تومنی یشاوچیلری، حکومت دن اوشبو شهرچه نینگ قیته قوریلیشی و حفاظت ایتیش اوچون دقت قیلیشینی طلب قیله‌دیلر.
دشت‌قلعه تومنی یشاوچیلریدن عبدالکریم غریب اوغلی گه کوره: «اسلام امیرلیگی حکومتیده اوشبو تاریخی شهرچه نینگ قیته قوریلیشی و محافظتی خصوصیده دقت قیلینیشیگه امیدوارمیز، عین‌حالده بو منطقه افغانستان نینگ مهم و توریستی مکان‌لریدن سنله‌دی.»
شو بیلن بیرگه تخار معلومات و مدنیت ریاستی، اوشبو ولایتده تاریخی اثرلرنی سقلش و ییغیش اوچون مخصوص مکان قوریلیشیدن خبر بیره‌دی.
بیزلرنینگ توییترده هم تعقیب قیلینگ!
تخار معلومات و مدنیت ریاستی سرپرستی عین‌الدین مطمئن نینگ سلام‌وطندار گه ایتیشیچه: «افغانستان اسلام امیرلیگی، باستانی و تاریخی مکان‌لر گه ایچکی و خارجی سیاح‌لر کیلیشی و اوشبو مکان‌لرنی قیته قوریشگه قرارلی دیر.»
تخار ده ۲۰ دن آرتیق تاریخی آبده موجود، اوتگن ییل‌لرده‌گی حکومت‌لر نینگ دقت‌سیزلیگی باعث ویرانه گه اوزگرگن یا ده محلی زوروانلر تامانیدن قازیلیب و موجود اثرلری، باشقه مملکت‌لر گه قاچاق ایتیلگن.
