تاجکستان دولتی‌گه تیگیشلی خاور کونده‌لیگی بیر گزارش نشر قیلیب اوشبو مملکت توپراغیده چین تامانیدن حربی مرکز ایجاد ایتیلیشی خصوصیده بولگن خبرلرنی رد قیلگن.
خاور کونده‌لیگی نینگ تاجیکستان ایچکی ایشلر وزیرلیگی دن نقل قیلیب ایتیشیچه، اوشبو مملکت توپراغی و افغانستان چیگره‌سیده چین تامانیدن حربی قرارگاه قوریلیش خبری ناتوغری دیر.
تاجیکستان ایچکی ایشلر وزیرلیگی نینگ ایتیشیچه، اوشبو مملکت و چین نینگ عمومی امنیت وزیرلیگی آره‌سیده‌گی کیلیشوونامه اساسیگه، تاجیکستان نینگ بدخشان ولایتیده قوشمه حربی مشق (تمرین) یولگه قوییلیشگه قرار قیلینگن. تاجیکستان ایچکی ایشلر وزیرلیگی گه کوره، مذکور حربی مشق نینگ تجهیزات و هزینه‌سینی چین تامانیدن تامین‌لنیشی ممکن.
ایتیلیشیچه، اوتگن “پنجشنبه” کونی رویترز کونده‌لیگی، تاجیکستان پارلمانی دن نقل قیلیب چین مملکتی افغانستان و تاجیکستان چیگره‌سیده اوشبو مملکت خاص کوچلری اوچون بیر حربی مرکز قوریلیش هزینه‌سینی بیریشیدن خبر بیرگن ایدی.
