قزاقستان‌لیک همکسبی بیلن اوچره‌شگن روسیه مدافعه وزیری سرگی شویگو، یینه بیر مرته افغانستان ده تروریستیک گروه‌لر حضوری دن خواطر بیلدیرگن. اونینگ ایتیشیچه، دنیا افغانستان نی اونیتگن و آمریکا نینگ قورال‌لری، قولی گه توشمسلیگی کیره‌ک بولگن کیشی‌لر قولیگه توشگن.
عین‌حالده، ایش بیلرمان‌لر روسیه مدافعه وزیری نینگ خواطرینی تصدیقله‌یدی. استخبارات و سیاسی ایش بیلرمان محمود حیدری نینگ ایتیشیچه، روسیه و اسلامی امارت آره‌سیده مناسبت‌لر مستحکم؛ بیراق آمریکا و باشقه غربی قطار مملکت‌لر، روسیه بیلن بولگن رقابتی اوچون، تروریستیک گروه‌لرنی تربیه قیله‌دی.
بیزلرنینگ فیسبوک صحیفه‌میزگه باش اورینگ!
جناب حیدری گه کوره، مذکور گروه‌لر روسیه و اورته آسیا مملکت‌لری اوچون کتته تهدید بولیشی ممکن. اونگه کوره، بلخاب قضیه‌سی آرتیده آمریکا نینگ بولیشی گه دایر بعضی گزارش‌‌لر موجود دیر.
حیدری داعش، طیبه لشکری، جیش محمد و باشقه تروریستیک گروه‌لر گه اشاره قیلیب ایتیشیچه، بو گروه‌لر قطار مملکت تامانیدن حمایت بولیب و اولردن روسیه گه قرشی قوللنیله‌دی.
عین‌حالده، خوفسیزلیک مسئله‌لر بوییچه ایش بیلرمان عبدالغفار گردیزی، روسیه نینگ خواطرینی تصدیقلب ایتیشیچه، آمریکا و باشقه غربی قطار مملکت‌لر افغانستان ده‌گی تروریستیک گروه‌لر اوستیگه سرمایه یاتقیزگن که کابل و مسکو اوچون خوفلی دیر.
بیزلرنینگ توییترده هم تعقیب قیلینگ!
بوندن آلدین روسیه رسمی‌لری، افغانستان ده تروریستیک گروه‌لر حضوری و اورته آسیا مملکت‌لری اوچون تهدید ایکن‌لیگیدن خواطر بیلدیرگن ایدیلر.
بوتوغریده اسلامی امارت رسمی‌لری نینگ فکر_ملاحظه‌سینی اورگه‌نیشنی ایسته‌لیک، لیکن مؤفق بولمه‌دیک. شو بیلن بیرگه اسلامی امارت هردایم باشقه مملکت‌لری گه قرشی افغانستان توپراغیدن قوللنیش اجازه‌سی کیمسه گه بیریلمسلیگیدن ایشانچ بیرگن.
