سوداگرلیک و صناعت اتاقی نینگ ایتیشیچه، پاکستان بیلن بیر طرح اوستیگه ایشلگنلر که اونینگ اساسیده، ایکی مملکت آره‌سیده‌گی تجارت، پایاپای یا-ده جنس برابریده جنس شکلده انجام بوله‌دی، بیراق تحیلیل‌چیلر بو کبی سوداگرلیک نی افغانستان ضرری گه بیله‌دیلر.
اقتصادی مسئله‌لر تحلیل‌چیسی ذکریا حیدری نینگ ایتیشیچه، افغانستان مصرف قیلووچی بیر مملکت دیر که، کوپینچه صادراتی یوق و بو طرح عملی بولگن صورت‌ده، افغانستان ده پاکستانی توارلر وارداتی نینگ کوپه‌یشی ممکن.
اونگه کوره، پاکستان یوکسلگن تکنولوژی گه ایگه دیر و شونینگدیک خام ماده‌لری هم بار که انه شوو سبب، توار ایشلب چیقاریش مذکور مملکت گه ارزان توشه‌دی که بو موضوع افغانستان ده ایشلب چیقاریله‌دیگن محصوللر نی قیین‌چیلیک بیلن روپه‌ره قیلیب و تولیدلر نینگ کمه‌یشی گه سبب بوله‌دی.
بیزلرنینگ توییترده هم تعقیب قیلینگ!
حیدری نینگ ایتیشیچه، اوشبو طرح نینگ عملی بولیشی بیلن مملکت‌ده، سوداگرلیککه زیان ییتیشتیریب، ایش‌خانه‌لر نینگ یاپیب و مملکت اقتصادی وضعیت خصوصیده سلبی تاثیر قویشی ممکن.
شونده‌ی بیرحالده، اقتصادی مسئله‌لر تحلیل‌چیلریدن باشقه بیری عبدالنصیر رشتیا نینگ ایشانچی گه کوره، پایاپای سوداگرلیک افغانستان فایده‌سی گه ایمس.
اونینگ ایتیشیچه، حاضر ایسه کمیده ۱ میلیون دالر صادرات‌لری بار و افغانستان وارداتی و کان‌لی بیر مملکت دیر. اونگه کوره، اوشبو طرح عملی بولگن صورت‌ده، افغانستان گه کیله‌دیگن پول نینگ کمه‌یشی ممکن.
جناب رشتیا نینگ ایتیشیچه، پاپاپای سوداگرلیگی صناعتی مملکت‌لر فایده‌سی گه دیر و اوشبو طرح نینگ عمل گه آشیریلیشی بیلن، پاکستانی روپیه افغانی پول جایی نی آلیشی ممکن.
شونده‌ی بیرحالده، مملکت صناعت و سوداگرلیک اتاق‌لر عضوی خان جان الکوزی نینگ ایتیشیچه، پاکستان بیلن پایاپای سوداگرلیک طرحی خصوصیده اوچ ییغین یولگه قوییلگن و مذکور طرح کیله‌جک ییغین‌ده نهایی بولیشی ممکن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو طرح مکانیزمی خصوصیده کیلیشگنلر و افغانستان ده توارلر افغانی پول بیلن و پاکستان ده ایسه روپیه بیلن آلمشیشی ممکن.
اونینگ کوپه‌یتیریشیچه، پاکستان افغانستان بیلن بانک یولی آرقه‌لی تجارت قیلیش نی ایستمه‌یدی، چونکه افغانستان بیلن پاکستان صادراتی کوپه‌یگن و تحریم‌لر نینگ آلینیشی بیلن باشقه معامله‌لر پایاپای شکلده صورت تاپمه‌یدی، لیکن حاضر ایسه پاکستان بیلن تجارت قیلیش اوچون یالغیز یول دیر.
جاری میلادی ییل‌ده پاکستان گه یالغیز ۳۳۰ میلیون دالر ارزشی گه تاش کومیر صادر بولگن که، بو رقم سابق حکومت‌ده پاکستان بیلن بوله‌دیگن صادرات گه قره‌گنده ایکی برابر بولگنی بیرحالده، اوشبو بیانات مطرح بولگن.
