افغانستان ده بیرلشگن ملتلر تشکیلاتی نینگ اورین‌باسرلیک هیئت دفتری یا-ده یوناما، اوتگن کون (دوشنبه، ۲۵-ثور)، بیر تویت آرقه‌لی، هوا اوزگریشی افغانستان سوو منبع‌لری گه سلبی تاثیر قیلگنی و اهالی نینگ بو توغریده کوپینچه قیین‌چیلیککه روپه‌ره بولگنی نی یازگن دیر.
اوشبو نهاد گه کوره، اوتگن میلادی ییل‌ده افغانستان ده سوو کم‌لیگی بیلن روپه‌ره بولگن عایله‌لر سانی ۶۰ فایز گه ییته‌دی.
بیرلشگن ملتلر تشکیلاتی نینگ اورین‌باسرلیک هیئت دفتری تویتر صحیفه‌سیده یازگن که: «۲۰۲۲-ییل‌ده عایله‌لردن ۶۰ فایزی سوو کم‌لیگی بیلن روپه‌ره بولگن و اوشبو قیینچیلیک حلی اوچون ۲۰۲۳-ییل‌ده ۴۷۹ میلیون دالر گه نیاز بار.»
بیزلرنینگ فیسبوک صحیفه‌میزگه باش اورینگ!
شوندهی بیرحالده، سوو آلیش اوچون نوبت گه توخته‌گن کابل شهری نینگ کارته آریانا یشاوچیسی غلام حسین نینگ ایتیشیچه، اوشبو منطقه‌ده سوو قودوق‌لری قوریگن و اهالی سوو آلیش اوچون ساعت‌لرچه بو ییرگه کیلیب نوبت‌ده توخته‌ش گه مجبور دیر.
اونینگ کوپه‌یتیریشیچه: «قودوغی‌میز ۸۰ متر‌دن کوپ دیر، بیراق بو ییرده ۱۰۰ متر‌دن کوپراق‌ده سوو یوق و قودوغی‌میز قوریگن. سوو آلیش اوچون بو ییر گه کیلیب ساعت‌لرچه کوتیب توریش گه مجبورمیز.»
کابل شهرآرا منطقه یشاوچیسی بولمیش نادر نینگ ایتیشیچه، ایکی هفته‌دن بیری دولتی سوو ییتکزیش شبکه‌لر آرقه‌لی بو منطقه سوو کیلمه‌گن و اولر هم نیازلری بولگن سوو نی خصوصی شرکت‌لردن آلیش گه مجبورلر.
نادر نینگ کوپه‌یتیریشیچه: «سوو و و برق وزیرلیگی آرقه‌لی سوو ییتکزیله‌دیگن نل‌لرده، ایکی هفته‌دن بیری سوو کیلمه‌گن و سوو قولگه کیلتیریش اوچون ساعت‌لرچه یوریب و بیر بوشگه سوو قولگه کیلتیره‌میز.»
سوو کم‌لیگی بیلن روپه‌ره بولگن پایتخت یشاوچیلریدن قطاری، حکومت‌دن اهالی گه سوو قولگه کیلتیریش زمینه‌لر یره‌تیلیشی نی ایسته‌یدیلر.
شوندهی بیرحالده، سوو و برق وزیرلیگی مسئوللری نینگ ایتیشلریچه، هوا اوزگریشی بیلن، مملکتدهگی ییر آستی سوولر کمه‌یگن و کابل شامل مملکت نینگ ولایت‌لریدن قطاری‌ده‌گی یشاوچیلر سوو اینیقه ایچیم‌لیک سوو کم‌لیگی بیلن روپه‌ره‌لر.
سوو و برق وزیرلیگی نینگ سوو ییتکزیش شرکت مسئولی عمار مموزی نینگ ایتیشیچه، اسلام امیرلیگی نینگ قدرت گه ایریشگنیدن بویان، مملکت‌ده خلق‌ارا نهادلر آرقه‌لی هیچ قنده‌ی بویوک بیر پروژه یولگه قوییلمه‌گن.
جناب مموزی نینگ کوپه‌یتیریشیچه: «خارجی‌لر دایم کیلیب و کیته‌دی، اولر سوو کم‌لیگی اوچون بویوک برنامه‌لر نینگ باشلنیشی خصوصیده سوز بیره‌دیلر؛ بیراق اسلام امیرلیگی نینگ قدرت گه ایریشگنیدن بویان، مملکت‌ده هیچ قنده‌ی بویوک بیر پروژه یولگه قوییلمه‌گن.»
بیراق اطراف-محیط بیلرمانلریدن قطاری نینگ ایشانچی گه کوره، ییر آستی سوولر نینگ ناتوغری فایده‌لنیشی، پایتخت ده سوو کم‌لیگی گه سبب بولگن.
بیزلرنینگ توییترده هم تعقیب قیلینگ!
اطراف-محیط بیلرمانی عبدالهادی اچکزی اسلام امیرلیگیدن اهالی آرقه‌لی ییر آستی سوولر نینگ ناتوغری فایده‌لنیشی‌دن توسیق بولینیشی نی ایستهگن.
اونینگ ایتیشیچه: «افغانستان سووی نینگ مدیریت بولیشی کیرهک. اهالی نینگ سوو کم‌لیگی بیلن روپه‌ره بولمه‌یشی اوچون مملکت سطحی‌ده کیچیک و بویوک سوو ییرلری ایجاد بولیشی کیرهک.»
ایتیش کیرهک که، بوندن آلدین هم سوو و برق وزیرلیگی، کابل یشاوچیلری نینگ ایچیم‌لیک سوو گه قول تاپیش‌لری اوچون، شاه و عروس توغانی، پنجشیر دریاسی و قرغه توغانی‌دن سوو ییتکزیش پروژه‌سی نینگ قولگه آلگنی نی ایتگن ایدی.
