اوتگن تورت کیچه‌ده طالبان سلما توغانی اوستیگه کمیده ۵۰ هاوان اوقی آتگن. هرات ده امنیتی ایشانچلی بیر منبع نینگ سلام‌وطندارگه ایتیشیچه، مذکور هاوان‌لردن قطاری سلما توغانی نینگ تأسیساتی گه اصابت قیلیب و بو بند گه ضرر هم ییتیشتیرگن.
اوتگن کیچه هرات یشاوچی‌لری الله‌اکبر فریادی بیلن ترورچی‌لرگه بو پیام نی ییتیشتیردیلر که هرات شهری طالبلرنینگ جایی ایمس.
شونده‌ی بیرحالده، اوتگن کون شام دن بویان هرات نینگ قطار بولیم‌لریده امنیتی کوچلر تامانیدن تازه‌لش عملیات باشلنگن و طالبان هرات شهری ایشیگیدن شهر اطراف‌لریده قاچیب کیتگن.
افغانستان بوییچه بیرلشگن ملت‌لر تشکیلاتی نینگ اورین باسرلیک هیاتی یا-ده یوناما، بیر توییت آرقه‌لی طالبان گروهی‌دن اوشبو نهاد نینگ هراتده‌گی دفتری اوستیگه اویوشتیریلگن هجوم خصوصیده جواب قیتریشی‌نی سوره‌گن. بو نهاد، طالبان گروهی دن مذکورهجوم‌نی جدی شکلده تیکشیریشی‌نی ایسته‌گن.
بوگون “یکشنبه” سلام‌وطندار محلی خبرچی‌سی شکیب شمس و پژواک محلی خبرچی‌سی استوری کریمی طالبان تامانیدن اسیر آلینیب و نیچه دقیقه‌دن سونگ، قیته‌دن قوییب یوباریلگن.
هرات محلی مسوول‌لری، طالبان جنگریلری نینگ یوناما دفتری، مالان و پشتون کوپریک‌لری اوستیگه هجوم قیلگنلریدن خبر بیرگن. هرات ولایتی بوییچه ساغلیق‌نی سقلش ریاستی مسوول‌لرنینگ ایتیش‌لریچه، طالبان تامانیدن اویوشتیریلگن هجوم‌لر نتیجه‌سیده ۵ حربی هلاک و ۳ تینچ اهالی شامل ۲۱ کیشی یره‌لنگن.
هرات حاکمی عبدالصبور قانع نینگ ایتیشیچه، طالبان هجوم‌لری نینگ آلدینی آلیش اوچون امنیتی و مدافعه کوچلری مردمی کوچلرنینگ اویغونلیگی بیلن چاره و تدبیر کورگن. هرات حاکمی نینگ اورغولشیچه، حاضر امنیتی و مدافعه کوچلر مردمی کوچلر بیلن بو ولایت تومن‌لریده طالبان گه قرشی هجوم اویوشتیریش اوچون ریجه تیارلماقده.
هرات تومن‌لریدن قطاری طالبان نظارتی گه اوتگنیدن کیین، حاضر جهادی سابق رهبری محمداسماعیل خان، یوزلرچه طرفداری بیلن امنیتی و مدافعه کوچلردن اوز حمایت‌لرینی بیلدیریب و طالبان گه قرشی توریش‌لرینی اعلام قیلگن.
هرات حاکمی عبدالصبور قانع نینگ ایتیشیچه، اوشبو ولایت نینگ چشت تومنیده جایلشگن امنیتی کوچلرنی یخشی شکلده سازمان بیریش اوچون بو تومن نینگ ایکینچی بولیمی‌گه انتقال بیرگنلر. هرات حاکمی نینگ سلما توغانی‌گه قرشی بولگن امنیتی تهدیدلرنی رد قیلیب ایتیشیچه، سلما توغانی‌گه قرشی امنیتی تهدیدلر بولگن مش‌مشلر ناتوغری دیر.
سلما توغانی نینگ امنیتی کندک قومندانی الله‌محمد همدرد نینگ سلام‌وطندارگه ایتیشیچه، طالبان جنگریلری بوگون ایرته‌لی هرات نینگ چشت تومنیده قرار تاپگن، اوشبو توغان نینگ امنیتی قرارگاهی اوستیگه هجوم قیلگن. سلما توغانی نینگ امنیتی کندک قومندانی گه کوره، مذکور هجوم نتیجه‌سیده بو توغان نینگ ۱۶ قوریقچیسی هلاک ایتیلگن.
هرات نینگ اوبه تومن ولسوالی ضیاالحق نوری نینگ ایتیشیچه، مذکور تومنده طالبان هجومی باعث امنیتی کوچلردن کمیده ۴۹ ته‌سی تن جراحتی کوتارگن. اونگه کوره، بو حربی‌لریدن قطاری دارو و درمان یوقلیگی باعث، جان بیرماقده‌لر و اولردن قطاری نینگ یره‌لری ایس‌لنگن.
هرات ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگریلری اوتگن “یکشنبه” کیچه اوشبو ولایت نینگ پشتون‌زرغون تومنیده مردمی کوچلرنینگ «سیدآباد» نام‌لی پوسته‌سی اوستیگه هجوم قیلگن‌لر.
بوگون “دوشنبه” هرات‌ده قراردادی اوقیتووچی‌لردن بیرقطاری حقوق‌لری توللنمه‌گنی سبب، ولایتی کینگش اعضالری و مدنی فعال‌لر حضوری بیلن اعتراضی ییغین یولگه قوییگنلر. اوشبو اوقیتووچی‌لر ایکی هفته دن آلدین اعتصاب قیلگن ایدی‌لر.
هرات حاکمی سیدعبدالوحید قتالی نینگ ایتیشیچه، فرسی تومنیده امنیتی کوچلر و طالبان گروهی آره‌سیده یوزبیرگن آتیشمه‌ده، مذکور تومن پولیس قومندانی باشقه بیر حربی بیلن هلاک و شونینگدیک باشقه بیر حربی ایسه تن جراحتی کوتارگن. جناب قتالی نینگ ایتیشیچه، شونینگدیک مذکور آتیشمه‌ده ۱۳ طالب هلاک و باشقه ۶ طالب ایسه یره‌لنگن.
هرات حوزه‌یی کسلخانه‌سی باش طبیبی عارف جلالی نینگ سلام‌وطندارگه ایتیشیچه، یره‌لنگن‌لردن ۹۵% نی یاش‌لر تشکیل بیره‌دی و اولر موترسایکل‌نی تیز هیده‌گنی سبب، حادثه قیلیب و یره‌لنگنلر.
جناب جلالی‌گه کوره، هییت کونلریده ترافیکی حادثه‌لر نتیجه‌سیده بیر کیشی هلاک و باشقه ۲۱۴ کیشی یره‌لنگن.
هرات ولایتی نینگ ادرسکن تومنیدن محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن “شنبه” کونی توشدن سونگ، ۲۵ یاشیده بولگن بیرعیال اوشبو تومنده ملی اردو کندکی نینگ ۵۰۰ مترلیگی‌ده طالبان نینگ صحرایی محکمه‌سیده اوققه توتیلگن.
هرات ولایتیدن محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان گروهی نینگ ملا رسول رهبرلیگی‌گه بولگن شاخه‌سی اورین باسری ملا عبدالمنان نیازی اوتگن کیچه کابل ده دنیا دن اوتگن. منبع نینگ ایتیشیچه، ملا نیازی درمان‌لنیش اوچون هرات دن کابل‌گه انتقال بیریلگن ایدی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
