بوگون کابل‌ده خبری ییغینده اشتراک ایتکن مدنی جماعه‌چیلیک فعاللریدن قطاری، خلق‌ارا همجمعیت و انسان پرور اداره‌لرتامانیدن یاردم‌لر شفاف ترقه‌لمسلیگیدن تنقیدلب ایتیشلریچه، اوشبو کمک‌لر جمعیتده‌گی محتاج و قشاق عایله‌لرگه بیریلمه‌یدی. اولرنینگ تاکیدلشیچه، مرکزی ولایت‌لر و هزاره‌لر تیریکچیلیک قیله‌دیگن منطقه‌لرده اوشبو کمک‌لر شفاف ترقه‌لمه‌یدی.
مدنی جماعه‌چیلیک فعاللریدن بولمیش شریف وطن‌دوست نینگ ایتیشیچه، بیرقطار ولایت‌لرنینگ یشاوچیلری نیچه مراتبه کمک آلیشکن، عین حالده مرکزی بعضی ولایت‌لرگه کمک یوباریلمه‌گن. جناب وطن‌دوست، انسان پرورلیک یاردم‌لر تبعیضلی روشده ترقه‌لیشیدن تنقید ایته‌دی.
بیزلرنینگ فیسبوک صحیفه‌میزگه باش اورینگ!
مدنی جماعه‌چیلیک فعاللریدن باشقه بیری سخی بهزاد نینگ ایتیشیچه، کمک‌لر ترقه‌لیشی جریانی‌ده نظارت بولمه‌یدی. اونینگ ایتیشیچه: «مرکزی منطقه‌لر و کابل غربی قسمی‌ده بیرقطار عایله‌لر اقتصادی قیین احوال‌ده ایکن‌لیگیدن آگاه میز؛ لیکن کیمسه اولرگه دقت قیلمه‌گن. بو ایش مدنی جماعه‌چیلیک اعضالرینی خواطری‌گه سبب بولگن.»
مدنی جماعه‌چیلیک فعال‌لری نینگ ادعا قیلیشلریچه، بیرقطار ناحیه‌لرنینگ گذر وکیل‌لری انسان پرورلیک یاردم‌لرنی یقین قرینداش‌لری گه ترقه‌ته دیلر. اولرگه کوره، گذر وکیل‌لری نینگ ایشیدن نظارت ایتیلمسلیگی باعث اولر قشاق و کمبغل عایله‌لرگه پول عوضی‌گه کمک‌لرنی ساتیشه‌دی.
بیزلرنینگ توییترده هم تعقیب قیلینگ!
بیراق قاچقینچیلر وزیرلیگی نینگ میدیا ایشلری بوییچه عضوی عبدالباسط انصاری نینگ سلام وطندارگه ایتیشیچه، انسان پرورلیک کمک‌لر شفاف و اوشبو وزیرلیک تامانیدن کوزه‌تیلیب محتاج و کمبغل عایله‌لرگه ترقه‌تیله‌دی.
جناب انصاری گرچند گذر وکیل‌لریدن بیرقطاری نینگ کمک‌لرنی ترقه‌تیش جریانی‌ده ساخته کارلیک ایشلرینی تصدیقله‌یدی اما ایتیشیچه، سابق ساخته کارلیک قیله‌دیگن گذر وکیل‌لری اسلامی امارت تامانیدن قولگه آلینگن.
بوندن آلدین بیرقطار ولایت‌لرده انسان پرورلیک یاردم‌لر شفاف ترقه‌لمسلیگی خصوصیده ایریم گزارش‌لر ثبت ایتیلگن ایدی.