اسلام امیرلیگی سرپرست حکومتی احصائیه و معلومات ملی ادارهسی، بوگون (سه‌شنبه، ۱۷ عقرب) بیر بیانیه ترقه‌تیب ایتیشیچه، اوشبو اداره نینگ بدخشان ولایتی واخان تومنی گه یوبارگن هیئتی، پامیر یشاوچیلری گه کیم‌لیک ترقه‌تگن.
بیانیه اساسیده، ۵۷۱ پامیرلیککه کیم‌لیک ترقه‌تیلگن. احصائیه و معلومات ملی ادارهسی نینگ بیانیه‌سیده کیلیشیچه، قالگن‌لری گه ایسه ایکینچی باسقیچ ده کیم‌لیک ترقه تیله‌دی.
بیزلرنینگ فیسبوک صحیفه‌میزگه باش اورینگ!
احصائیه و معلومات ملی اداره تامانیدن ترقه‌لگن صورت‌لر گه بناً، پامیر یشاوچیلری گه قاغذی کیم‌لیک توزیع بولگن؛ عین‌حالده، شهرلرده الکترونیکی کیم‌لیک ترقه‌تیلماقده.
مذکور اداره، بدخشان ولایتی پامیر یشاوچیلری که قیرغیزلر دیر جمعیتی حقیده هیچ نرسه دیمه‌گن. ایتیلیشیچه، یالغیز کیچیک پامیر ده ۲۰۰ دن ۲۵۰ عایله تیریکچیلیک قیله‌دی.
باشقه تاماندن پامیر یشاوچیلری، بیرینچی مراتبه مخابراتی خدمت‌لر گه قول تاپیش‌لری کوتیله‌دی.
نیچه کون آلدین باختر دولت آژانسی، اوز توییتری ده، بدخشان ولایتی پامیر یشاوچیلری نینگ نماینده‌سی بیلن اوچره‌شگن چیگره و قبیله‌لر وزیرلیگی نینگ سرپرستی نورالله نوری، پامیر ده مخابراتی بیر شبکه فعال ایتیلیش درخواستینی تصدیقله‌گن دیب یازگن ایدی.
بیزلرنینگ توییترده هم تعقیب قیلینگ!
جناب نوری نینگ کوپه‌یتیریشیچه، اوشبو شبکه فعال ایتیلیشی بیلن یقینده پامیر یشاوچیلری مخابراتی خدمت‌لردن فایده‌لنه دیلر.
بدخشان ولایتی پامیر قیرغیزلری، افغانستان نینگ اینگ محروم یشاوچیلریدن سنله‌دی. حتا اولر اینگ دستلبکی امکانیت‌لرگه ایگه ایمس‌لر و چاروه‌چیلیک بیلن شغللنه‌دیلر.
