انسان حقلری ایرکین کمیسیونی نینگ ایتیشیچه، اوتگن ایکی کون جریانیده غور و هلمند ولایت‌لریده ۱۰ باله، ۳ عیال و ۳ ایرکک شامل، ۱۶ تینچ‌اهالی هلاک ایتیلگن. مذکور کمیسیون بیر خبرنامه ترقه‌تیش بیلن تینچ‌اهالی اولدیریلیشی توخته‌تیلیشی نی سوره‌گن.
مذکور نهادنینگ خبرنامه‌سیده کیلیشیچه، اوروش خره‌جتی نینگ تینچ‌اهالی تولله‌یدی و تیزلیککه زوروانلیکلر توخته‌تیلیب ، دایمی آتیش‌کیسین و عدالتلی تینچلیک تأمین‌لنیشی کیره‌ک.
انسان حقلری ایرکین کمیسیونی نینگ معلوماتی اساسیده، ۲۹- ثور ده ۳ تینچ‌اهالی لعل‌و‌سرجنگل تومنیدن هرات تامان کیته‌دیگن بیرچاغده، فیروزکوه شهریده اولدیریلگن.
مذکور نهاد نینگ کوپه‌یتیریشیچه، شونینگدیک اوتگن کون هلمند نینگ نادعلی تومنیده یول چیککه‌سیده جایلشتیریلگن ماین پارتله‌شی عاقبتیده ۱۰ باله و ۳ عیال جان بیرگن. مذکور کمیسیون گه کوره، ۵ باله و موترنینگ هیداوچیسی یره‌لنگن.
بیزلرنینگ فیسبوک صحیفه‌میزگه هم باش اورینگ!
انسان حقلری ایرکین کمیسیونی نینگ خبرنامه‌سی اساسیده، اوتگن ایکی کونده هلمند مرکزی لشکرگاه شهریده طالبان نینگ بیر راکتی اصابت قیلگن که نتیجه‌ده، بیر تینچ‌اهالی یره‌لنیب و اهالی گه ایسه کوپینچه مالی ضرر ییتیشگن.
طالبان حاضرگچه بو توغریده فکر بیلدیرمه‌گن.
- هلمند؛ جاده چیککه‌سیده جایلشتیریلگن ماین نینگ پارتله‌گنی سبب، ۹ تینچ اهالی هلاک ایتیلگن
- رمضان آیی باشلنگنیدن حاضرگه‌قدر ۳۰۰ تینچ اهالی هلاک ایتیلگن
- مملکت ۴ ولایتیده ۶ کون جریانیده ۳۹ تینچ اهالی اولدیریلگن
- افغانستانده تینچلیک سوزلشوولر باشلنگنیدن سونگ، تینچ اهالی تلفاتی کوپه‌یگن
مذکور نهاد نینگ ایتیشیچه، تینچ‌اهالی گه ضرر ییتیشمه‌سلیگی اوچون طالبان دن نیچه مرته یول چیککه‌سیده ماین کومیب و پارتله‌تیش دن وازکیچیش‌لری سوره‌لگن.
مذکور کمیسیون یوللرده تینچ‌اهالی نینگ اولدیریلیشی دن خواطر بیلدیریب و ایتیشیچه، یول چیککه‌سیده ییرلشتریلگن ماین‌لر تینچ‌اهالی دن کوپینچه قربانی آله‌دی.
بیزلرنینگ توییترده هم تعقیب قیلینگ!
انسان حقلری ایرکین کمیسیونی اوروش تامان‌لرینی خلق‌ارا انسان دوستلیک حقلری نی رعایت قیلیش گه چقیریب و مملکت عدلی و قضایی نهادلریدن تینچ‌اهالی نینگ اولیمی عامل‌لرینی تیرگاو آستیده آلیشی نی سوره‌گن.
شونینگدیک مذکور نهاد خلق‌ارا کیفری محکمه دن افغانستان ده خلق‌ارا جرم‌لر و خلق‌ارا انسان دوستلیک حقلری نقض ایتیلیشی توغریسیده هرتامانلمه تیرگاو اوتکزیب و اونینگ تیکشیریشی نی سوره‌گن.
مذکور کمیسیون نینگ ایتیشیچه، عدالت مجرم‌لرگه عملی بولیب و جنایت عامل‌لری ایسه قانون و قربانیلر برابریده جواب بیریشی کیره‌ک.
