خلقارا سرطان کونی مناسبتی بیلن، ساغلیقنی سقلش وزیرلیگی مملکت ده سرطان گه چلینگنلر سانی کوپهیشیدن خواطر بیلدیریب ایتیشیچه، اوتگن بیر ییل ده اولکه بویلب سرطان گه چلینگن اوچ مینگ کیشی هلاک بولگن.
ساغلیقنی سقلش وزیرلیگی نینگ معلوماتی اساسیده، اوتگن میلادی ییل ده سرطان گه چلینگن اوچ مینگ کیشی قربان بولگن.
بیزلرنینگ فیسبوک صحیفهمیزگه باش اورینگ!
مذکور وزیرلیک سوزلاوچیسی شرافت زمان نینگ ایتیشیچه: «۲۰۲۲_ییل ده مملکت ده ۳ مینگ ۳۰۰ کیشی سرطان گه چلینگن، اولردن ۳ مینگی هلاک بولگن و بو وزیرلیک سرطان نی درمانلش اوچون مخصوص کسلخانه قوریش مقصدیده سعیوحرکت قیلماقده دیر.»
جمهوریت کسلخانهسیده سرطان گه چلینیب و بستری بولگن خانمحمد گه کوره: «تیکشیردیم، شفاکارلر سرطان گه چلینگنیمنی ایتدیلر، تاماغیم دن نان اوتمهیدی و یورهگیم قیسیلهدی. جمهوریت کسلخانهسیگه مراجعت قیلدیم بو ییرده دوالنماقده من.»
شفاکارلر، دخانیات دن قوللـهنیش، ییترلی آزیق_آوقاتلنسملیک و هوا افلاسلنیشینی، سرطان نینگ اساسی عامللریدن عنوان قیلهدیلر.
بیزلرنینگ توییترده هم تعقیب قیلینگ!
جمهوریت کسلخانهسیده شفاکار سارا سخیزاده نینگ ایتیشیچه: «سرطان گه چلینمسلیک یوللریدن بیری دخانیات دن قوللنمسلیک، قویاش ایسیغیدن اوزینی اسرهش، یخشی آوقاتلنیش و سپورت قیلیش دیر.»
حاضر یالغیز کابل، قندهار و هرات ده سرطان کسللرینی درمانلش اوچ کسلخانه موجود دیر.
ایتیش کیرهک که، هر ییلی خلقارا سرطان کونی (۴ فبروری) مناسبتی بیلن، سرطان گه قندهی یولیقمسلیک، و آلدینی آلیش گه دایر دنیا بویلب اهالی گه آگاهیلیک بیریش برنامهلری یولگه قوییلهدی.