اسلامی امارت ایچکی ایشلر وزیرلیگی نینگ سرپرستی سراج الدین حقانی هییت قوتلاو پیامی‌ده ایتیشیچه، اسلامی امارت رهبری ملا هبت‌الله آخوندزاده نینگ عمومی کیچیریم بویروغینی نقض قیلگن کیشیلر، اسلام شریعتی قاعده قانونلری اساسیده محکمه‌گه تارتیله‌دی.
بیزلرنینگ فیسبوک صحیفه‌میزگه باش اورینگ!
اوشبو پیام مذکور وزیرلیگ نینگ واتساپ گروپی آرقه‌لی مدیالر بیلن اورته‌گه قوییلگن، شونینگدیک پیام‌گه کیلیشیچه، مذکور بویروغنی نقض قیگن و باش ایگمه‌گن کیشیلر بیلن اسلام شریعتی قاعده قانونلری اساسیده یانده‌شیله‌دی.
پیام‌ده ایتیلیشیچه، اوشبو بویروغنی نقض قیلگن کیشیلر سانی آز دیر، بیراق انیق رقمی بیللی قیلینمه‌گن. عین‌حالده، بو بیرینچی مراتبه دیر کیم اسلامی امارت حکومتی نینگ یوقاری مرتبه‌لی رسمی‌لر بو توغریده آچیق شکلده صحبت قیله‌دی.
ایتیش کیره‌ک دیر کیم بوندن آلدین اسلامی امارت مقام‌لری سابق حکومت حربی‌لریدن قطاری اولدیریب و یا کلتکلنگنلری خصوصیده‌گی اداعالرنی ناتوغری عنوان قیلیب و یا بوتوغریده تحقیق قیلیشلرینی ایتگن ایدیلر.
بیزلرنینگ توییترده هم تعقیب قیلینگ!
شونینگدیک اوتگن ییل قوس آییده انسان حقوقی‌نی کوزه‌توچی نهاد ایتگن ایدی که اسلامی امارت افغانستانده حاکم بولگندن کیین مملکت ۴ ولایتیده، سابق حکومت حربی کوچلریدن ۱۰۰ دن آرتیق کیشینی محکمه قیلمسدن دارگه اوریب و یا زور بیلن یوقاتگنلر.
بیراق اسلامی امارت اوشه پیت بو اداعالرنی ناتوغری عنوان قیلگن ایدی.
