قندوز ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگری‌لری اوتگن کیچه ساعت ۷:۳۰ ده اوشبو ولایت نینگ خان‌آباد تومنیده امنیتی بیر پوسته‌‌نی هجوم آستیگه قرار بیرگن.
منبع‌گه کوره، امنیتی کوچلر و طالبان جنگری‌لری آره‌سیده صورت تاپگن آتیشمه عاقبتیده، پولیس کوچلریدن ۷ ته‌سی هلاک ایتیلیب و اوشبو کوچلر بیر پوسته‌سی طالبان قولیگه سقوط قیلگن.
عین‌حالده، قندوز پولیس قومندانلیگی سوزلاوچیسی هجرت‌الله اکبری نینگ بو خبرنی تصدیق‌لب ایتیشیچه، کمکی کوچلر محل‌گه یوباریلگن و آتیشمه نتیجه‌سیده طالبان جنگریلریدن ۳ ته‌سی هلاک و باشقه ۲ ته‌سی یره‌لنگن.
جناب اکبری گه کوره، بو واقعه‌ده پولیس کوچلریدن ۱ ته‌سی هلاک و باشقه ۳ ته‌سی یره‌لنگن.
ایتیلیشیچه، قندوز ولایتیده سونگی ایکی کون جریانیده طالبان هجومی سبب، امنیتی کوچلردن ۱۹ ته‌سی هلاک، ۱۳ ته‌سی یره‌لنیب و باشقه ۱۰ ته‌سی طالبان قولیگه اسیر بولگن.