«مینی هندی خطاب قیله‌دیلر. حتا مین بیلن یخشی شکلده آشنا بولگن همکارلریم، هند خصوصیده هنریار دن سوره‌نگیزلر دیدی؛ او هند بیلن یخشی آشنا دیدیلر.»
بویوک‌لر کینگشی عضوی انارکلی هنریار نینگ اوتگن هفته ابن‌سینا خلق ارا تینچلیک جایزه‌سینی قولگه کیلتیریش مراسمیده بیان قیلگن صحبت‌لری دیر. هنریار نینگ سیک‌لرگه قرشی تبعیض بولگنیدن تنقید قیلیب ایتیشیچه، مملکت یشاوچی‌لریدن کوپراغی هندو چقیره‌دیلر؛ لیکن او یالغیز ایکی یا-ده ۳ مرته هند بارگن.
خانم هنریار نینگ صحبت‌لری اجتماعی ترماقلر فعال‌لری نینگ واکنش‌لری بیلن روپه‌ره بولگن. اجتماعی ترماقلر فعال‌لریدن بیرقطاری هنریار بیلن قیغو داش‌لیک بیلدیرگن و یشاوچی‌لرنینگ اونگه قرشی برخوردلریدن عذر سورهگنلر. هنریار نینگ کوپه‌یتیریشیچه، حتا حیات کیچیره‌دیگن منطقه‌ده هم قوشنی‌لری نینگ یمان برخوردلری بیلن روپه‌ره بوله‌دی.
اجتماعی ترماقلر فعال‌لریدن کوپ قطاری یشاوچی‌لری نینگ هندو و سیک‌لرگه قرشی تبعیض‌لی یول باریش‌لریدن ناراض‌لیک بیلدیریب و شرمنده‌لیک کورستگن‌لر.
جمهورلیک ریاستی ایکینچی اورین باسری محمدسرور دانش هم بویوک‌لر کینگشی عضوی انارکلی هنریار نینگ صحبت‌لریگه قرشی واکنش کورستگن.
جناب دانش نینگ فیسبوک صحیفه‌سیده یازیشیچه: « کوزینگیزنی یاشی و بغض‌لی سیس‌ینگیزنی کوردیم. کوزینگیزنی یاشی‌نی کوریش بیلن مین و بیز یاش اویه‌لدیک و سیز و سیزلرگه قرشی صورت تاپگن برخوردلردن خجالت بولدیک.»
جمهورلیک ریاستی ایکینچی اورین باسری نینگ یازیشیچه: «تبعض دن سیزنینگ قیغولی روایت‌ینگیز، اوشبو مملکت کوپ قطار اهالی‌سی نینگ روایتی دیر. سیزنینگ کوزینگیزنی یاشی ظلم کورگن و محروم قالگن بوتون اهالی نینگ کوزینی یاشی دیر.»
خانم هنریار نینگ صحبت‌لری بیر بولیمیده ایتیشیچه، وطنداش‌لری نینگ بوتون تبعیض‌لی رفتارلری‌گه قرشی ینه‌هم افغانستان و مملکتی یشاوچی‌لرینی یخشی کوره‌دی.
سرور دانش نینگ خانم هنریار گه خطاب ایتیشیچه: «یوقاری انسانی اندیشه و وطن سیورلیک احساس‌ینگیزگه فخرلنهمیز. افغانستان، اوشبو مملکت بوتون یشاوچی‌لری نینگ قوشمه اویی دیر، مسلمان‌لر و هندولرنینگ قوشمه مملکتی دیر.»
گرچند هندولر و سیک‌لر افغانستان جمعیتی نینگ بیر بولیمی‌نی تشکیل بیره‌دی، لیکن هردایم افغانستان حکومتی و یشاوچی‌لری نینگ تبعیض‌لی برخوردلری بیلن روپه‌ره بولگنلر.