Asset 1SWN

هندولرنینگ غزنی ولایتیده‌گی قدیمی معبدی قیته قوریله‌دی

55433732_303-oxptyzulytoiygb96emifhx0445qm3hyybck4kn348

غزنی شهری نینگ کیریش ایشیگی ده جایلشگن هندولرنینگ پیر تنات نام‌لی قدیمی معبدلری قیته قوریله‌دی.

اوشبو معبد نینگ قیته قوریش ایشی، شهر قوریش وزیرلیگی نینگ مسجد و تاریخی آبده‌لرنی قیته قوریش بولیمی  و غزنی ولایتی بوییچه معلومات و مدنیت ریاستی تامانیدن باشلنگن.

غزنی ولایتی بوییچه معلومات و مدنیت ریاستی مسوول‌لری نینگ ایتیش‌لریچه، مذکور معبدنی ۸ یوز ییل قدمتی بار، بیراق اوتگن ییل‌لرده دقت بولمه‌گنی سبب، بوزیلماقده.

غزنی ولایتی بوییچه معلومات و مدنیت ریاستی سرپرستی محمد ادریس وفا نینگ سلام‌وطندارگه ایتیشیچه، معلومات و مدنیت وزیرلیگی مذکور تاریخی آبده‌نینگ قیته قوریلیشی اوچون ۸ میلیون و ۵ یوز مینگ افغانی اجره‌تگن.

راجا رام، پیر تنات معبدی ده عبادت قیله‌دیگن و اوشبو معبد دن محافظت قیله‌دیگن یالغیز کیشی دیر. اونینگ ایتیشیچه، هندولر و سیک‌لر مملکت بوتون ولایت‌لریدن مذهبی مراسم‌لرینی انجام بیریش اوچون اوشبو معبد گه کیله‌دیلر.

اونینگ ایتیشیچه، عایله اعضالری هندوستان‌گه کیتگن، بیراق اوزی پیر تنات معبدی دن حفاظت قیلیش اوچون غزنی ولایتیده قالگن.

پیر تنات معبدی غزنی تاریخی قلعه‌سی نینگ جنوبیده جایلشگن.

کلیدی کلمه‌لر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام