سرپل یشاوچی‌لری و ولایتی کینگش اعضالری نینگ موتر کرایه‌سی و ییگولیک ماده بهاسی یوقاری گیتگنی‌دن خواطر بیلدیریب ایتیش‌لریچه، موتر کرایه‌سی ۵۰ افغانی‌دن ۵۰۰ افغانی و بیر بوجی اون نینگ بهاسی ۱۵۵۰ افغانی‌دن ۲۵۰۰ افغانی‌گه ییتیشگن.
اولرنینگ ایتیش‌لریچه، سرپل-جوزجان قتناو یولی بیر هفته دن بویان طالبان تامانیدن باغلنگن و مسافرلر باشقه خطرلی یول‌لر آرقه‌لی سفر قیله‌دیلر.
سرپل ولایتی کینگش عضوی محمدحسین مجاهدزاده ایتیشیچه، اوروش شدت‌لنگنی و سرپل-جوزجان قتناو یولی نینگ یاپیق قالگنی سبب، باریش کیلیش اوچون موترلر کرایه‌سی و ییگولیک ماده بهاسی یوقاری کیتگن.
سرپل و جوزجان ولایت‌لری یشاوچی‌لریدن بولمیش روح‌الله و شیرباز نینگ ایتیشیچه، موتر کرایه‌سی ۵۰ افغانی دن ۵۰۰ افغانی، بیر بوجی اون نینگ بهاسی ۱۵۵۰ افغانی دن ۲۵۰۰ افغانی و بیر بوشکه یاغ نینگ بهاسی ۱۲۰۰ افغانی دن ۲۰۰۰ افغانی‌گه کوپه‌یگن.
عین‌حالده، ۲۰۹ شاهین قول اردو قومندانلیگی نینگ ارکان رییسی یاسین سداد حربی عملیات یولگه قویش اوچون سرپل ولایتیده حضور تاپگن. اونینگ ایتیشیچه، تیزلیککه سرپل-جوزجان قتناو یولی نینگ خوفسیزلیگی تامین‌لنیب و اهالی خواطرلری یکونلنتیریله‌دی.
سرپل مملکت شمالی‌ده بولگن ناتینچ ولایت‌لردن بیری دیر. حاضرده دولت نینگ قلمرو اوشبو ولایت مرکزی و بلخاب تومنی‌ده خلاصه بولگن و باشقه ۵ تومن و شهر اطرافی‌ده طالبان گروهی فعالیت قیله‌دی.
