سلاموطندار، افغانستان شهرلری و قیشلاقلریده طبی خذمتلردن اهالینینگ فایدهلنیش وضعیتینی تیکشیریش مقصد، ۳۲ ولایتده ۱۱۳۶ یشاوچی آرهسیده سوراو اوتکزگن. بو سوراو تورلی ۱۰ ته کورستکیچ بوییچه ییغیلگن معلوماتلرگه اساسلنیب، شهر و قیشلاق اهالیسی آرهسیده طبی خذمتلردن فایدهلنیش توغریسیدهگی امکانیت، صفت، رضایتلی بولیش و قیینچیلیکلر حالتینی تیکشیریب و مقایسه قیلیشگه قرهتیلگن. نتیجهلرگه کوره، هر ایکی گروهده ساغلیقنی سقلش مرکزلرگه مراجعت قیلیشنینگ نسبتاً فعال بولگنی بیرحالده، خذمتلر صفتی، دارودن فایدهلنیش، فزیکی یوللر و آگاهیلیک بیریش بوییچه حمایت بولیشده، بو ایکی بولیم آرهسیده اساسی فرقلر بار. اوشبو معلوماتلر قیشلاقلیک منطقهلرده آستقورمهلر یخشیلنیشی و آگاهیلیک بیریش سیستمی کوچلنیشیگه تاکید قیلهدی.
مذکور سوراو نتیجهسی اساسیده، شهرلرده جواب بیرگن ۶۴.۹ فایز گه کوره، هر ایکی تورلی (خصوصی و دولتی)، طبی خذمتلردن فایدهلنه آلهدیلر؛ لیکن بو رقم ایسه قیشلاقلرده ۵۳.۲ فایز دیر. دولتی خذمتلر (رایگان) قیشلاقلرده ۳۱.۹ فایز بیلن کوپراق اهمیت گه ایگه دیر و شهرلرده ایسه اهالیدن فقط ۱۱.۴ فایزی اوندن فایدهلنهدی. اونینگ برابریده شهرلرده خصوصی خذمتلردن فایدهلنیش (۲۳.۶ فایز) بولیب، قیشلاقلرگه نسبت (۱۴.۸ فایز) کوپراق دیر.
بیزلرنینگ فیسبوک صحیفهمیزگه باش اورینگ!
ننگرهار ولایتی یشاوچیسی بولمیش ۲۲ یاشر سحرنینگ ایتیشیچه، یشش منطقهلریده دولتی ساغلیقنی سقلش مرکز یوق. «منطقهمیزده دولتی کسلخانه یوق. دولتی کسللردن برچهسی منطقهمیزدن اوزاق دیر. بو ییرده نیچه خصوصی کلینیک بار که پول اورنیده دوالهیدیلر و دارو بیرهدیلر.»
شونینگدیک یشش منطقهلریده دولتی ساغلیقنی سقلش مرکز بولمهگن ننگرهار ولایتی یشاوچیسی ۳۰ یاشر مینهنینگ ایتیشیچه: «منطقهمیزده هیچ دولتی کسلخانه یوق. بو جدی بیر قیینچیلیک دیر، چونکه اهالیدن کوپ قطاری ساغلیقنی سقلش خذمتلریدن فایدهلنه آلمهیدی. خصوصی کلینیکلر خرهجتی کوپ دیر و اهالینینگ کوچی ییتیشمهیدی.»
اوشبو سوراوده اهالینینگ دارودن فایدهلنیشی هم تیکشیریلگن. شهرلرده دارولردن فایدهلنیش توغریسیده جواب بیرگنلردن ۳۳.۹ فایزینینگ ایتیشیچه، ییترلیچه دارولردن فایدهلنه آلهدیلر و بو رقم قیشلاقلرده فقط ۱۲.۶ فایز دیر.
تخار ولایتیدن ۳۰ یاشر فرزانهنینگ بو توغریده ایتیشیچه: «منطقهمیزدهگی کلینیکده ییترلیگچه دارو یوق. دارولردن کوپینچهسینی شخصی داروخانهلردن کوپینچه پول بیریب آلیشیمیز کیرهک. بعضا ایسه شفاکارلرده دارو هم یوق و اوزیمیز دارو آلیشیمیز کیرهک.»
شونینگدیک بلخ ولایتی یشاوچیسی بولمیش ۴۲ یاشر نجیبهنینگ ایتیشیچه: «کلینیگیمیزده ییترلیچه دارو یوق و نیاز بولگن دارونینگ اوزیمیز شخصی داروخانهلردن ساتیب آلیشیمیز کیرهک.»
ساغلیقنی سقلش مرکزلرگه باریب کیلیش بولیمیده اوتکزیلگن تیکشیریشگه کوره، شهرلرده جواب بیرگنلردن (۵۴.۷ فایز)، موتر بیلن ساغلیقنی سقلش مرکزلرگه بارهدیلر و قیشلاقلرده ایسه اهالیدن کوپینچهسی (۴۰.۸ فایز)، پیاده یوریب کیزهدیلر. بامیانلیک ۲۸ یاشر زینب، ساغلیقنی سقلش مرکزلریگه باریب کیلیش قیینچیلیکلری توغریسیده ایتیشیچه: «کلینیککه قدر یریم ساعت پیاده یول یوریش کیرهک؛ چونکه موتر اوچون یول یوق. سرکلر هم جوده بوزیق. بو موضوع بیزلرگه کوپ قیینچیلیک یرهتگن.»
شوندهی بیرحالده، شفاکارلردن قطارینینگ ایشانچیگه کوره، افغانستاننینگ اوزاق قیشلاقلریده متخصص شفاکارلر یوق و اوشبو موضوع ساغلیقنی سقلش خذمتلری صفتینی کمهیتیرهدی. بو توغریده شفاکارلردن مداد دانشورنینگ ایتیشیچه: «قیشلاقلرده متخصص شفاکارلرنینگ بولیشی کیرهک. کسللیکلرنینگ درست شکلده تشخیص بولیشی و اهالیگه صفتلی دارو بیریلیشی کیرهک.»
بیزلرنینگ «ایکس» ترماغی ده هم تعقیب قیلینگ!
بولرگه علاوه، اسلام امیرلیگی ساغلیقنی سقلش وزیرلیگی سوزلاوچیسی شرافت زمان امرخیلنینگ ایتیشیچه، مذکور وزیرلیک قیشلاقلرده ساغلیقنی سقلش خذمتلری کورسهتیلیشی بولیمیده بیرقطار برنامهلرنی نظرگه آلگن و افغانستاننینگ اوزاق منطقهلریده ۳۱۸ ته ساغلیقنی سقلش مرکز قیته قوریلماقده. اونینگ کوپهیتیریشیچه: «ساغلیق بولیمیده فعالیتلر سیزیلرلی درجهده کوپهیگن. ساغلیقنی سقلش یوزلب کلینیک قوریلیب و مملکتنینگ ۳۱۸ تومنیده ینگی کلینیکلر قوریلماقده. کسللیکلرنینگ تشخیص بولیشی و تیگیشلی باشقه بولیملرده، فایدهلی آدیملر آلینگن و یخشی ترقیاتلر عملگه آشیریلگن. اهالیگه ساغلیقتی سقلش خذمتلری فایدهلی شکلده کورسهتیلهدی و اونینگ یخشیلنیشی اوچون سعیوحرکتنینگ دوامی بار.»
سونگی ییللرده، افغانستان ده طبی خذمتلردن فایدهلنیش دایم جدی قیینچیلیکلردن بیری بولگن. شهر و قیشلاق حدودلریده تورلی جغرافیا و جمعیتنینگ ترقاقلیگیگه (پراگنده) توجه قیلیش بیلن، برچهگه صفتلی و قولی ساغلیقنی سقلش خذمتلرینی تامینلش، منظملنگن ریجهلشتیریش و ییترلی منبعلرنی طلب قیلهدی.
