سلام افغانستان میدیا مؤسسه‌سی، اسلامی امارت حاکمیتیدن کیین، طلبه‌لر نینگ درس اوقیش علاقه‌سی خصوصیده ینگی تیکشیرو نتیجه‌سینی شریک قیلدی. بو تیکشیرو اوشبو ییل نینگ ثور و جوزا آی‌لری جریانیده اوتکزیلگن.
اوشبو تیکشیرو (کابل، هرات، قندهار، بلخ و ننگرهار) ولایت‌لریده‌گی ۱۸ بیلیم یورت نینگ ۲۷۵ طلبه‌سی، ۳۸ اوقیتووچیسی بیلن مصاحبه بولگن که ۷۳ فایز طلبه‌لر اسلامی امارت حاکمیتیدن کیین درس اوقیش علاقه‌لری کمه‌یگنینی ایتگنلر.
سلام‌وطندار نینگ خبر بولیمی مسئولی گل‌محمد گران مذکور تیکشیرو نتیجه‌سینی اوقیش جریانیده ایتیشیچه: «بو تیکشیرودن مقصدیمیز طلبه‌لر نینگ درس اوقیش گه عاید علاقه‌سی و شونینگدیک ایش و تحصیل کیله‌جکلری خصوصیده امیدوارلیکلرینی انیقلش و شونینگدیک مملکت تحصیلی وضعیتینی عالی تحصیلات وزیرلیگی بیلن شریک قیلیش دیر.»
بیزلرنینگ فیسبوک صحیفه‌میزگه باش اورینگ!
اوشبو تیکشیرو ده طلبه‌لر نینگ ایش و تحصیلی کیله‌جگی خصوصیده امیدوارلیک وضعیتی و شونینگدیک سبق بیریش و علمی تدقیقات‌لرده بیلیم یورت اوقیتووچیلری نینگ علاقه‌سی تیکشیریلگن.
مذکور تیکشیرو ده اشتراک ایتگن اوقیتووچیلردن تخمیناً ۵۶ فایزی نینگ ایتیشلریچه، سبق بیریش اوچون هیچ علاقه‌لری یوق یا ده علاقه‌لری کمه‌یگن، استادلردن ۷۴ فایزی گه کوره، اسلامی امارت حاکمیتیدن سونگ تدقیقات و درسی ماده‌لرنی تیارلش فرصت‌لری کمه‌یگن یا ده بوتونلی فرصت‌لری یوق دیر.
برچه‌سی بیلن، اوشبو ییغینده سلام افغانستان مؤسسه‌سی، مذکور تیکشیرو ده نمایش گه قوییلگن قیینچیلیکلر حلی اوچون ایریم تکلیف‌لرنی پایلشگن.
مذکور میدیا نینگ دری بولیمی ویراستاری بهشته محمدی گه کوره، اسلامی امارت عالی تحصیلات خصوصیده تدقیقاتچیلر و گزارشگرلر گه تدقیقات زمینه‌سینی یره‌تیش گه قوشیمچه، عالی تحصیلات ده درس اوقیش علاقه نیمه باعث کمه‌یشینی تیکشیریب و حلی اوچون تیزلیک بیلن اقدام قیلیشی کیره‌ک.
بهشته محمدی نینگ کوپه‌یتیریشیچه: «عالی تحصیلات وزیرلیگی، تدقیقاتچیلر و گزارشگرلر گه تکلیف‌لریمیز بار، عالی تحصیلات وزیرلیگی دن عالی تحصیلات ده تدقیقات اوچون زمینه یره‌تیشنی ایسته‌یمیز. تأسف بیلن بیز اوشبو تیکشیرو جریانیده ایریم قیینچیلیکلر بیلن روپه‌ره بولدیک.»
اوشبو ییغینده اشتراک ایتگنلر و میدیا فعاللری، بو تیکشیرونی خوش قرشی‌لسه لرده، بیراق مملکت ده‌گی قیینچیلیکلر حلی اوچون بو گَل تدقیقات نی اونملی بیله‌دیلر.
افغانستان ژورنالیست‌لر فدراسیونی و میدیا نهادلری رهبرلیک عضوی سیدعلی اصغر اکبرزاده نینگ ایتیشیچه: «بو تیکشیرو حقیقتن هم تحقیقی خبرچیلیک بویوک ایش دیر، بو گزارش مملکت عالی تحصیلات وزیرلیگی اوچون یول چیزیغینی کورستدی.»
بیزلرنینگ توییترده هم تعقیب قیلینگ!
عین‌حالده مذکور ییغینده اشتراک ایتگن عالی تحصیلات وزیرلیگی نینگ نماینده‌لری، عالی تحصیلات ده علاقه کمه‌یش خصوصیده‌گی قیینچیلیکلر حلی مقصدیده سعی و حرکت قیلیش‌لریدن ایشانچ بیلدیره‌دیلر.
عالی تحصیلات وزیرلیگی نینگ طلبه‌لر ایشلری بوییچه اورین باسری سیداسماعیل روحانی، نیاز بولگن تقدیرده، بوتوغریده بیر کمیته ایجاد ایتیش‌لریدن ایشانچ بیردی.
ایتیش کیره‌ک که، اوشبو تیکشیروده مملکت نینگ ایشانچلی ۱۸ بیلیم یورت طلبه‌لری بیلن مصاحبه بولگن که (۹ خصوصی بیلیم یورت و ۹ دولتی بیلیم یورت) دن عبارت دیر. شونینگدیک مذکور رقم ارا ۹ بیلیم یورت کابل دن و قالگنلری ایسه باشقه تورت بویوک ولایت دن تنلنگن. مذکور نظر سوره‌ش و معلومات توپلش نینگ روشی کمی دیر؛ بیراق برچه سوراقلر باغلیق روشده تنلنگن.
