اسلام امیرلیگی باش وزیری نینگ اقتصادی اۉرین باسری عبدالغنی برادر حضوری ده خواف-هرات تیمیر یول لایحه‌سی تورتینچی بولیمی نینگ ایکّینچی فازینی عملگه آشیریش بېتیمی امضالنگن.
ارگ، ۹-حمل، پنج‌شنبه کونی ایکس اجتماعی ترماغی ده، سرپرست حکومت باش وزیری نینگ اقتصادی اۉرین باسری عبدالغنی برادر حضوری بیلن خواف-هرات تیمیر یول لایحه‌سی تورتینچی بولیمی نینگ ایکّینچی فازینی عملگه آشیریش بېتیمی، افغانستان تیمیر یول اداره‌سی و روسیه «گاما» شرکتی آره‌سیده امضالنگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
ارگ نینگ کوپه‌یتیریشیچه، خواف-هرات تیمیر یول لایحه‌سی تورتینچی بولیمی نینگ ایکّینچی فازی ۴۷ کیلومتر اوزون‌لیگی بولیب و خره‌جتی ۳۵ میلیون دالر تخمین اېتیلگن و ایشی کېله‌سی ایکّی ییل‌گچه توگه‌شی کوتیله‌دی.
بو، خواف-هرات تیمیر یول لایحه‌سی نینگ سۉنگی قسمتی بولیب رباط پریان‌دن باشلنیب و خلق‌ارا هرات هوا قونالغه‌سی و صناعتی شهرک‌گه باریب توگه‌یدی.
بیزلرنینگ «ایکس» ترماغی ده هم تعقیب قیلینگ!
خواف-هرات تیمیر یول لایحه‌سی نینگ ایکّینچی فازی فایده‌لنیشگه تاپشیریلیشی بیلن افغانستان ایران نینگ مهم دریایی بندرلری گه یول تاپیب و تیمیر یولی آرقه‌لی محصولاتینی تورکیه و اروپا مملکت‌لری گه انتقال بیریشی ممکن. بونگه قوشیمچه افغانستان توپراغیدن اۉتیشی بیلن مرکزی و جنوبی آسیا مملکت‌لری نینگ سوداگرلیک توارلرینی انتقال بیریش گه زمینه یره ته‌دی.
عین‌حالده، اۉتگن ییل میزان آیی ده خواف-هرات تیمیر یول لایحه‌سی اوچینچی بولیمی شرطنامه‌سی ایران بیلن امضالنگندی.
