بیرلشگن ملت‌لر تشکیلاتی بشر حقوقی و آمریکا نینگ افغانستان اوچون نماینده‌سی، افغانستان خاتین قیزلری نینگ وضعیتینی تیکیشریش مقصدیده لندن ده ییغین اوتکزدی.
افغانستان ده بیرلشگن ملت‌لر تشکیلاتی نینگ بشر حقوقی ایشلری بوییچه مخصوص گزارش‌گری ریچارد بنت، افغان خاتین قیزلری نینگ احوالی آغیرلشیدن خواطر بیلدیریب ایتیشیچه، اسلامی امارت بشر حقوقی اینیقسه خاتین قیزلر نینگ اساسی حقوق‌لری گه قول تاپیش وعده‌لری گه عمل قیلمه‌گن.
مذکور ییغینده افغان خاتین قیزلری اوچون آمریکا نماینده‌سی رینا امیری گه کوره، افغانستان ده بشر حقوقی و خاتین قیزلر حقوقی وضعیتی یخشی‌لنیشی اوچون، دادخواه‌لیک بولیشی کیره‌ک و دنیا جماعه‌چیلیگی بوتوغریده دقت قیلیشی لازم.
بیزلرنینگ فیسبوک صحیفه‌میزگه باش اورینگ!
مذکور ییغینده اشتراک ایتگن و ناروی ده افغانستان نینگ سابق ایلچیسی شکریه بارکزی نینگ ایتیشیچه، خاتین قیزلر گه چیکلاو یره‌تیش سبب، اسلامی امارت گه ایشانیب بولمه‌یدی و تن آلینیش گه لایق ایمس‌لر.
اونینگ ایتیشیچه: «طالبلر گه ایشانیب بولمه‌یدی و افغانستان خلقی یا افغان خاتین قیزلری نینگ نماینده‌سی ایمس‌لر. بیرلشگن ملت‌لر تشکیلاتی نینگ خوفسیزلیک کینگشی، قدرتیدن فایده‌لنیب و افغانستان بیلن مستقیم تعامل قیلیش اوچون بیانیه صادر قیلیشی کیره‌ک. افغانستان تروریست‌لر مکانی گه اوزگرمسلیگی لازم.»
شونینگدیک اوشبو ییغینده کابل دن نطق سوزله‌گن عیال، آمریکانی افغان خاتین قیزلری نینگ وضعیتی یامانلنیش اصلی عاملی بیله‌دی. اونگه کوره: «مین برچه امکانیت‌لریمنی قولدن بیرگن من. حیاتیم تالان_تاراج بولگن. حاضرگچه مکتب‌لر قیزلر یوزی گه یاپیق دیر.»
باشقه تاماندن بشر حقوقی کوزه‌تیش تشکیلاتی خاتین قیزلر بولیمی مسئولی هیدر بار نینگ سلام‌وطندار گه ایتیشیچه، کونسه‌یین افغان خاتین قیزلری گه چیکلاولر یره‌تیلماقده؛ بیراق دنیا جماعه‌چیلیگی بوتوغریده حاضرگه قدر هیچ بیر عملی ایش قیلمه‌گن.
بیزلرنینگ توییترده هم تعقیب قیلینگ!
هیدر بار نینگ ایتیشیچه: «ایندی دنیا جماعه‌چیلیگی عملی آدیم کوتاریشی کیره‌ک و سفر قیله آلمسلیک و باشقه تورلی خیل تحریم لر بیلن، طالبلر اوستیگه باسیم کیلتیریشی لازم.»
بوتوغریده اسلامی امارت رسمی‌لری نینگ فکر_ملاحظه‌سینی اورگه‌نیشنی ایسته‌دیک؛ لیکن کیتمه_کیت قونغراق‌لریمیز گه جواب قیتیریلمه‌دی.
افغان خاتین قیزلری نینگ وضعیتی گه دایر خواطرلر عین حالده بیان بولماقده که، اسلامی امارت قدرت نی قولگه آلیشی بیلن عیاللر سیاسی، اجتماعی و تعلیم ساحه‌لریدن چیتلنتیریلگن.