افغانستان حکومتی و طالبان گروهی نینگ مذاکره قیلووچی هیاتی‌نی تماس گروه‌لری نینگ اولتیریش‌لری ۱۲ کون توخته‌تیلگنیدن سونگ، اوتگن “دوشنبه” کونی شام چاغیده، قیته باشلندی.
دولت تامانیدن تعیین‌لنگن مذاکره قیلووچی هیات اعضا و سوزلاوچیسی نادر نادری نینگ ایتیشیچه، اوشبو ییعینده جنجلی موضوع‌لر خصوصیده جدی شکلده صحبت اوتکزیلیب و مذکور جنجل‌لر حل ایتیلگن گه‌قدر اولتریش‌لرنینگ دوام قیلیشی خصوصیده کیلیشوو صورت تاپگن.
شونینگدیک، طالبان گروهی نینگ قطرده‌گی دفتری سوزلاوچیسی محمد نعیم نینگ توییتر صحیفه‌سیده یازیشیچه، تماس گروه‌لری ییغین اوتکزگن‌لر و جنجلی موضوع‌لر خصوصیده، بحث و صحبت اوتکزیلگن. اونینگ کوپه‌یتیریشیچه، اوشبو ییغین‌لرنینگ دوام قیلیشی ممکن.
بو اولتیریش، افغانستان دولتی و طالبان گروهی‌نی تماس گروه‌لری آره‌سیده بولگن ۹- ییغین دیر.
بیرقطار میدیالرنینگ گزارش‌لریگه کوره، اوشبو اولتیریش افغانستان تینچلیک جریانی بوییچه آمریکا خاص نماینده‌سی زلمی خلیلزاد نینگ دخالتی سبب، قیته باشلنگن.
قطر باشکنتی دوحه شهریده افغانستان‌لیکلر ارا سوزلشوولر باشلنگنیدن ۱ بیر آی اوتماقده، بیراق حاضرگه‌قدر بیرقطار جنجلی موضوع‌لر خصوصیده کیلیشوو صورت تاپمه‌گن.