آمریکا و اروپالیک مملکتلر نینگ مخصوص نماینده‌لری، ناروی تشقی وزیرلیگی تامانیدن ترقه‌لگن قوشمه بیر اعلامیه‌ده ایتیشیچه، افغانستانده دایمی ثبات برقرار ایتیلیشی اوچون همه شمول بیر تیزیم شکللنیشی لازم.
اروپا بیرلشمه‌سی، فرانسه،آلمان، ایتالیا، ناروی، بریتانیا و آمریکا خاص نماینده‌لری نینگ اورغولشیچه، اسلو ییغینی اسلامی امارت حکومتی نینگ رسمیت گه تانیش مقصدیده اوتکزیلمه‌گن. اولر گه کوره، افغانستانده هر حکومت نینگ مشروعیت گه تانیش منبع‌سی مذکور مملکت یشاوچیلری بولیشی ممکن.
بیزلرنینگ توییترده هم تعقیب قیلینگ!
اعلامیه‌ده کیلیشیچه، اسلو ییغینیده افغانستان‌ده‌گی بشری بحران آلدی آلینیشی و اهالی نینگ قیینچیلیکلری‌گه چیک قوییش اوستیده تاکیدلنگن.
اروپا و آمریکا نماینده لری، اسلامی امارت لیدرلریدن، بشر حقوقی ایاغ آستی بولمسلیگی، اوز باشیمچه‌لیک قولگه آلینیش‌لر، زوردن یوقاتیش، میدیالرگه چیکلاو یره‌تیش، ناقانونی قتل‌لر، کلتکلش و خاتین قیزلرنینگ تحصیلی‌گه مانع بولمسلیک اوچون سعی-حرکت قیلیش لرینی طلب قیلیشکن.
آمریکا و اروپا نماینده‌لری نینگ ایتیش‌لریچه، اسلامی امارت افغان‌لرنینگ خواطرلیکلری‌گه دقت قیلیش‌لری کیره‌ک. اولر اوشبو ییغینده عیال خادم‌لری گه قولی‌لیک یره‌تیش اوچون کوتاریلگن آدیم‌لرگه دقت بولمسلیک و خاتین‌قیزلرگه قرشی توسیق‌لردن خواطر بیلدیرگن‌لر.
بیزلرنینگ فیسبوک صحیفه‌میزگه باش اورینگ!
اولر اسلامی امارت نینگ کیله‌سی ینگی ییل کوکلم موسومی‌ده خاتین قیزلر یوزی‌گه مکتب‌لرنی آچیشینی خوش قرشی‌لب، بوایش عملگه آشیریلگن تقدیرده عملی، بودجه وتخنیکی تیارگرلیک‌لری اوستیده تاکید ایتکن‌لر.
شونده‌ی بیرحالده، اروپا و آمریکا نماینده‌لری نینگ کوپه‌یتیریشلریچه، غربی مملکتلر انسان پرورلیک یاردم‌لرینی کینگه‌یتیریش و اقتصادنی قوللب قوتلش اوچون سعی-حرکت قیلماقده‌لر.
اسلو ییغینی ۳-دلو باشلنیب و اوچ کون دوام قیلدی. اوشبو ییغینده تشقی ایشلر وزیرلیگی سرپرستی ییتکچیلیگیده اسلامی امارت هیاتی، افغانستان مدنی جماعه‌‌چیلیک فعال‌لری و غربی مملکتلر نینگ خاص نماینده‌لری بیلن اسلوده اوچره‌شدیلر.
