گالوپ موسسه‌سی بوگون ینگی بیر تدقیقاتی ترقه‌تیب ایتگن که، افغانستان یشاوچیلری دنیا بویلب اینگ منفی عاطفه‌لی خلق دیر.
دنیا نینگ تورلی مملکت‌لریده انجام بولگن گالوپ نینگ تدقیقاتی گه کوره، افغانستان یشاوچیلریدن ۷۴ فایزی منفی عاطفه و روانی کسل‌لیکلر بیلن روپه‌ره‌لر.
مذکور نهاد ایتگن که، افغانستان اهالیسی ۲۰۲۱-ییل‌ده، تجربه‌لر اساسیده «منفی عاطفه» گه ایگه بولگن اینگ یوقاری مرتبه‌‌ده دیر. گالوپ نینگ کوپه‌یتیریشیچه، افغانستان یشاوچیلری نیچه ییل‌دن بویان دایم آز بیر شکلده ایجابی عاطفه‌نی تجربه قیلگنلر.
بیزلرنینگ توییترده هم تعقیب قیلینگ!
شونده‌ی بیرحالده، مملکت یشاوچیلریدن قطاری اوشبو گزارش نی تصدیق‌لب و سلام‌وطندار گه ایتیش‌لریچه، مملکت‌ده‌گی وضعیت، اولر نینگ ایجابی عاطفه‌لری نی ناامید‌لیککه اوزگرتیرگن. اولر نینگ کوپه‌یتیریش‌لریچه، مالی و جانی خصوصیده هم تینچ و امن حس قیلمه‌یدیلر.
یشاوچیلردن سیف‌الرحمن ساعی نینگ ایتیشیچه: «حاضرگی وضعیت‌ده بیر یاش ییگیت صفتیده امیدیم یوق. هر کون بیراز امیدوار بولسه‌ی هم بعضی ایشلر صورت تاپه‌دی که قیته انسان نی ناامید قیله‌دی.»
شونینگدیک یشاوچیلردن باشقه بیری سوسن خالق‌یار نینگ ایتیشیچه: «قیغو بیلن حاضر ایسه افغانستان ده قیین‌چیلیک و ناامید‌لیک کوپه‌یگن و کوپ آز بیر کیشی کیله‌جک خصوصیده امیدوار دیر.»
شونده‌ی بیرحالده، روان‌شناس‌لردن قطاری مملکت‌ده منفی عاطفه نینگ کوپه‌یگنی دلیلی نی، عایله‌وی رابطه‌لر گه نادرست شرایط، تحصیلی و ایش خصوصیده یوتوق یوقلیگی و اجتماعی و سیاسی تینچ‌لیک یوقلیگی دیب عنوان قیلگنلر.
داکتر سید روح‌الله رضوانی نینگ سلام‌وطندار گه ایتیشیچه: «سیاسی و اجتماعی ناتینچ‌لیکلر حتی انسان نینگ خواطر و تشویش قیلیشی گه سبب بوله‌دی که انسان‌لر گه حتی اوتمیش‌لری هم بی‌معنا کورینه‌دی.»
روان‌شناس‌لردن بیر قطاری افغانستان ده اهالی عاطفه‌سی نینگ بوزیلگنی اصلی دلیلی نی قشاق‌لیک و اوروش دیب و شونینگدیک حکومت نقشی نی اهالی عاطفه‌سی خصوصیده اونملی دیگن.
روان‌شناس‌لردن بیری سید‌عبدالله حسینی نینگ ایتیشیچه: «حاضر ایسه هیچ کیم اقتصادی قیینچیلیکلر اوچون اوز احتیاج‌لری نی تامین قیله آلمه‌یدی. انسان‌لر اوز قیین‌چیلیک‌لری نی حل قیله‌آلمه‌گنلری صورت‌ده، تشویش قیله‌دیلر که انه‌شو اوزی بیر قیین‌چیلیک دیر. حاضرگی نابیللی کیله‌جک و کون اوتیشی بیلن اقتصادی قیینچیلیکلر نینگ کوپه‌یشی برچه نینگ روانی گه تاثیر قیلگن.»
بیزلرنینگ فیسبوک صحیفه‌میزگه باش اورینگ!
بو توغریده روان‌شناس‌لردن باشقه بیری عصمت هاشمی نینگ ایتیشیچه: «حکومت انسان عاطفه‌لری خصوصیده مستقیم تاثیری بار چونکه حکومت امنیت نی تامین قیله‌دی.»
بیراق اسلامی امارت گالوپ نینگ تدقیقاتی نی رد قیلگن و شونینگدیک اسلامی امارت سوزلاوچی اورین‌باسرلریدن بیری بلال‌کریمی توییتر صحیفه‌سیده یازگن که، افغانستان ده اسلامی امارت نینگ قدرت گه ایریشگنیدن بویان افغانستان اهالی‌سیدن کوپینچه‌سی تینچ‌لیکده و خوشحال بیر شکلده حیات کیچیره‌دیلر.
