پاکستان میدیالری نینگ معلوماتی اساسیده، اوشبو مملکت باش وزیری عمران‌خان گه ایشانچ آواز بیرمسلیک طرحی، بوگون پاکستان پارلمانی‌ده آواز بیریش گه قویلیشی کوتیلر ایدی، بیراق مجلس رهبری تامانیدن رد بولگن. عین‌حالده، مذکور مملکت جمهور باشلیغی، عمران‌خان نینگ التماسی گه بناً، پارلمان‌نی منحل قیلگن.
گزارش‌لر اساسیده، پاکستان پارلمانی باشلیغی نینگ اورین باسری قاسم‌خان سوری، بوگون عمران‌خان گه ایشانچ آواز بیرمسلیک طرحی‌نی رد قیلیب و بو ایشنی اوشبو مملکت نینگ اساسی قانونی ۵-ماده‌سی گه قرشی دیگن. عین‌حالده، عمران‌خان، پاکستان جمهور باشلیغی عارف علوی‌دن، پارلمان‌نی منحل قیلیب و تیزلیک بیلن سیلاو یولگه قویلیشینی طلب قیلگن ایدی.
بیزلرنینگ فیسبوک صحیفه‌میزگه باش اورینگ!
عمران‌خان گه ایشانچ آواز بیرمسلیک طرحی، دولت گه قرشی حزب‌لر تامانیدن مذکور مملکت پارلمانی گه یوللـنگندی، اوشبو طرح بوگون آواز بیریش گه قویلیشی کوتیلر ایدی. اولر عمران‌خان‌نی پاکستان نینگ تشقی سیاست‌لری و اقتصادیات‌نی مدیریت قیلیش‌ده کوچ‌سیزلیککه عیبلب، عمران‌خان باشقه باش وزیر اوله‌راق ایشی گه دوام بیریش گه حقی یوق دیگن ایدیلر.
بوندن آلدین عمران‌خان اوز تلویزیونی نطقی‌ده، اوشبو آواز بیریش نتیجه‌سیدن قطعی نظر، قدرت‌دن کیتمه‌ی و مبارزه‌لری گه دوام بیریشینی بیلدیرگن ایدی. جناب عمران‌خان نینگ ایشانچی گه کوره، دولتی گه قرشی توطئه و چیتلنتیریلیشی آمریکا تامانیدن ریجه‌لنتیریلگن؛ لیکن آمریکا تشقی ایشلر وزیرلیگی بو ادعالرنی رد قیلدی.
بیزلرنینگ توییترده هم تعقیب قیلینگ!
پاکستان پارلمانی نینگ ینگی اقدامی، اپوزیسیون ائتلافی نینگ قرشی لیگیگه روپه‌رو بولگن. بیراق پاکستان پارلمانی، بو قرار «تشقی اره‌لشوولر» باعث آلینگنینی ایتگن.
