مملکت‌ده قورغاقچیلیک خواطلری دوامی‌ده، حاضر ایسه میدان وردک محلی مسئوللری اوشبو ولایت‌ده میوه حاصلاتی نینگ کمه‌یشی‌دن خبر بیرگنلر.
میدان وردک سوغاریش، ایکینچیلیک و چارواچیلیک ریاست رئیسی عبدالجبار نینگ سلام‌طندار گه ایتیشیچه، بو ییل اوشبو ولایت باغ‌دارلری و ایکینچیلری اوتمیش ییل‌لر گه قره‌گنده قورغاق‌چیلیک‌دن کوپراق زیان کورگنلر و مذکور ولایت‌ده میوه حاصلاتی ۴۰ فایز کمه‌یگن دیر.
بیزلرنینگ فیسبوک صحیفه‌میزگه باش اورینگ!
شونینگدیک میدان وردک یشاوچیلریدن قطاری نینگ ایتیش‌لریچه، سونگی قورغاقچیلیک باعث، سوو کانال‌لری قوریب و حتی منطقه‌لردن قطاریده ایچیم‌لیک سوو قودوق‌لری هم قوریگن دیر.
اولر نینگ ایتیش‌لریچه، سوو یوقلیگی سبب، باغ‌لر و ییکیلگن میوه‌لردن قطاری اورته‌دن کیتماقده و دولت قورغاق‌چیلیک‌دن زیان کورگن عایله‌لر گه تیزلیککه یاردم بیریشی کیره‌ک.
میدان وردک باغدارلریدن احسان‌الله ایتیشیچه: «بو ییل هیچ یاغمیر یاغمه‌دی و کانال‌لردن قطاری قوریدی، حتی سوو قودوق‌لریدن قطاری هم سوو آزلیگی بیلن روپه‌ره بولگن. حکومت ایکینچیلر و باغدارلر گه یاردم بیریشلری کیره‌ک.»
میدان وردک یشاوچیلری و ایکینچیلری اسلامی امارت‌دن، سولر آرقه‌لی چقور قودوق‌لردن سوو چیقاریش نینگ توخته‌تیلیشی نی ایسته‌یدیلر.
میدان وردک معلومات و مدنیت ریاست رئیسی صفی‌الله راید نینگ ایتیشیچه، ولایتی اداره قورغاق‌چیلیک‌دن زیان کورگن منطقه‌لر و خطر گه دوچ کیلگن باغ‌لر نی قیته قوریش اوچون سعی و حرکت قیله‌دی.
بیزلرنینگ توییترده هم تعقیب قیلینگ!
ولایت‌لردن قطاریده سوو سطحی کمه‌یگن و اوزباشیمچه‌لیک کیشی‌لر تامانیدن چقور قودوق‌لر نینگ قازیشی بیلن ییر آستیده‌گی سوولر کمه‌یب و ایکینچیلر نینگ قیین‌چیلیک بیلن روپه‌ره بولگنی بیرحالده، میدان‌وردک ده قورغاقچیلیک طفیلی میوه‌لر کمه‌یگنی مطرح بولگن.
گزارش‌لر اساسیده، اقلیم اوزگریشی افغانستان نی جدی قیین‌چیلیک بیلن روپه‌ره قیلگن و کیله‌جک‌ده مملکت یشاوچیلری کوپینچه قیین‌چیلیک بیلن روپه‌ره بولیش‌لری ممکن.
