تخار اوقیتووچی‌لریدن بیرقطاری، آیلیک کوپه‌یتیریلیش ریجه‌سی نینگ حکومت مقام‌لری تامانیدن عملگه آشیریلمه‌گنی گه قرشی اعتراض قیلگنلر. اعتراضچی‌لرنینگ ایتیش‌لریچه، ۹۱- کود دن سلیقه‌یی امتیازلر کمه‌یتیریلیب اوقیتووچیلر حقوق‌لری نینگ کوپه‌یتیریلیشی کیره‌ک.
اولرنینگ ایتیش‌لریچه، باشکنت ده حکومت مقام‌لری دولت ایشلاوچی‌لری نینگ آی‌لیکلری کوپه‌یش ریجه‌سینی باشقه نهادلرگه عملی قیلیش‌گه قرار قیلگن، بیراق اوقیتووچی‌لرنینگ بو ریجه گه شامل بولمه‌گنی سبب اعتراض بیلدیرگن‌لر.
تخار ولایتی بوییچه اوقیتووچیلر انجمی باشلیغی نجیب‌الله نایل نینگ سلام‌وطندارگه ایتیشیچه، اولر معارف وزیرلیگی مسوول‌لرینی آگاه قیلیش اوچون نیچه مرته کابل گه مراجعت قیلگنلر و اوقیتووچی‌لرنینگ اقتصادی قیین‌چیلیگی‌نی اولر بیلن شریک قیلگن، بیراق حاضرده اوشبو ریجه نینگ اوقیتووچیلر اوستیگه عملگه آشیریلمه‌گنی سبب اعتراض بیلدیرگن‌لر.
باشقه تاماندن تخار ولایتی اداره‌لرگه اصلاحات آلیب کیلیش و ملکی خذمت‌لر ایرکین کمیسیونی مسؤل‌لری نینگ ایتیش‌لریچه، اداری لحاظ دن اوقیتووچی بیلن دولت اداره‌لری نینگ ایشلاوچی‌لریدن هیچ قنده‌ی فرق بولمه‌گن. اولرنینگ سوزی گه کوره، حاضر گچه اوقیتووچیلر آیلیگی کوپه‌یشی خصوصیده مالیه وزیرلیگی تامانیدن رسمی شکلده مکتوب کیلمه‌گن.
بوندن ایکی کون آلدین، نماینده‌لر کینگشی نینگ باشلیغی میر رحمان رحمانی فیسبوک صحیفه‌سیدن بیر اعلامیه ترقه‌تیب، ملکی اداره‌لر ایشلاوچی‌لری نینگ ینگی ریجه‌سی اینیقسه اوقوتوچی‌لر آیلیگی نینگ ینگی طرحی حکومت تامانیدن قویاش ۱۴۰۰- ییل بودجه‌سی آلینمه‌گن حالده، نماینده‌لر کینگشی ینگی ییل بودجه‌سینی تأیید ایتمسلیگیدن خبر بیرگن ایدی.
دولت اداره‌لری ایشلاوچی‌لری نینگ آیلیک ریجه‌سی بیر ییلدن بویان مالیه وزیرلیگی نینگ اداره‌لری تامانیدن عملگه آشیریله دی، لیکن مالیه وزیرلیگی معارف وزیرلیگی ایشلاوچی‌لری نینگ ینگی ریجه سی عملگه آشیریلمه‌گنی خصوصیده اوشبو وزیرلیک نینگ تورم تشکیلاتی توسیق بولیشی نی دلیل قیلیب ایته دی.
ایتیش لازم که بوگون نماینده‌لر کینگشی نینگ اعضالری، قویاش ۱۴۰۰- ییل بودجه سینی عمومی ییغین ده رد ایتگن.
