افغانستان ده هر ییل ۱۳- میزان دن اوقیتووچیلر کونی صفتیده نشانلنهدی، بیراق افغانستان اوقیتووچیلری یخشی وضعیت گه قرار تاپمهگن.
پایتخت ده اوقیتووچیلردن قطاری اولرنینگ برابریدهگی حکومت نینگ توجهسیزلیگی نی خواطرلی دیگن.
اولرنینگ ایتیشلریچه، حکومت نیچه ییل دن بویان معاش کوپهیشی و ییر ترقهتیلیشی خصوصیده اولرگه سوزبیرگن، بیراق بو سوزلر حاضرگچه عمل گه آشیریلمهگن.
اولرنینگ ایتیشلریچه، حکومت تامانیدن بیریلهدیگن امتیاز اولرنینگ قیینچیلیکلرینی حل قیلمهیدی و بو توجهسیزلیک اوقیتووچیلرنینگ درس بیریشلری اوستیگه هم سلبی تأثیر قویگن.
کابل شهری نینگ اوقیتووچیلردن باشقه بیری مریم امیری افغانستان اوقیتووچیلری نینگ وضعیتی نی خواطرلی دیب ایتیشیچه، اولردن کوپینچهسی کرایی اویلرده یشهیدی. اونگه کوره، قیینچیلیکلرینی نیچه مرته معارف وزیرلیگی مسئوللری بیلن اورتگه قویگنلر، بیراق اولرنینگ ایستهکلریگه هیچ توجه بولمهگن.
زرغونه مکتبی ده کمیده ۲۰ ییل دن بویان اوقیتووچی صفتیده درس بیریب کیلگن ملالی محبوبی نینگ ایتیشیچه، بو مدت ده حکومت تامانیدن اولرگه کوپینچه وعدهلر بیریلگن، بیراق بو وعدهلرنینگ برچهسی خام ایکن و هیچ بیری عملی بولمهگن.
کابل شهری نینگ اوقیتووچیلردن باشقه بیری مریم امیری افغانستان اوقیتووچیلری نینگ وضعیتی نی خواطرلی دیب ایتیشیچه، اولردن کوپینچهسی کرایی اویلرده یشهیدی. اونگه کوره، قیینچیلیکلرینی نیچه مرته معارف وزیرلیگی مسئوللری بیلن اورتگه قویگنلر، بیراق اولرنینگ ایستهکلریگه هیچ توجه بولمهگن.
شونینگدیک غور ده سلطان شهابالدین غوری مکتب آمری محمد احمدی نینگ ایتیشیچه، بو ولایت پولیس قومندانلیگی، ولایت مقامی و معارف ریاست مسئوللری نینگ توجهسیزلیگی و کمکارلیگی باعث ۱۰ ییل اوتیشی بیلن حاضرگچه بو ولایت اوقیتووچیلریگه ییر ترقهتیلمهگن.
اوشبو اوقیتووچیلرنینگ ایتیشلریچه، ییللرچه کرایی اویلرده یشهب و کوپینچه قیینچیلیکلرگه دوچ کیلگنلر و قیینچیلیکلری حل ایتیلیشی اوچون اولر دولت دن بیر چاره تدبیر کوریشی نی سورهشگن.
معارف وزیرلیگی مصلحتچیسی دستگیر منیر نینگ سلاموطندارگه ایتیشیچه، اوقیتووچیلرنینگ معاشی کوپهیشی و اولرگه ییر ترقهتیلیشی بو وزیرلیک نینگ بیرینچی ایشلیردن دیر و قویاش ۱۴۰۰ ییل دن بو ریجه عمل گه آشیریلیشی ممکن.
۱۳- میزان اوقیتووچیلر کونی صفتیده مملکت بویلب نشانلنهدی.