نوروز جشنی یولگه قوییلیشی اوچون یالغیز نیچه کون قالگن. نوروز جشنی باشقه هر بیر شهر گه نسبتن مزارشریف شهریده طنطنه‌لی شکلده یولگه قوییله‌دی.
بوکون‌لرده مزارشریف شهری نینگ سیماسی اوزگرگن و هر بیر کیشی اوزی نینگ آرتده قالگن ایشی نی یکلونلنتیریش اوچون حرکت قیلماقده. سودا ساتیغ بازاری کوپ ایسیق دیر و یشاوچیلری ولایت تشقری‌سیدن کیله‌دیگن مهمان‌لردن میزبانلیک قیلیش و نوروز جشنی نینگ عظمت‌لی و طنطنه‌لی شکلده نشانلش اوچون تیارگرلیک آلماقده.
نوروز جشنی نینگ یولگه قوییه‌دیگن کمیسیون مسئوللری نینگ ایتیش‌لریچه، نوروز نی طنطنه‌لی شکلده نشانلش اوچون جمهوررئیس تامانیدن اولرگه بویروغ بیریلگن و مذکور مراسم یولگه قوییلیشی اوچون خاص تیارگرلیکلر آلینگن.
بیراق اوتگن ییل‌لر کبی اهالی نینگ کتته خواطرلریدن بیری نوروز جشنی نینگ خوفسیزلیگی تأمین‌لنیشی دیر. اهالی دولت اینیقسه امنیتی ارگان‌لردن امنیت نی جدی شکلده تأمین‌لشی نی سوره‌شگن.
بلخ پولیسی سوزلاوچیسی عادل‌شاه عادل، تهدیدلر رفع قیلنیشی و مهمانلر و یشاوچیلرنینگ خوفسیزلیگی تأمین‌لنیشی اوچون سعی و حرکتلر دوام ایتیب کیلیشی دن خبر بیریب ایتیشیچه، قتناو یولللرده و شهر گه کیره‌دیگن یوللرده چک پاینتلر کوپه‌یگن و مزارشریف شهری گه کیره‌دیگن برچه یولاوچیلر و مهمانلر بوتونلی تیکشیریله‌دی.
نوروز قویاش ینگی ییل نینگ بیرینچی کونی صفتیده کوپینچه مملکتلر جمله‌دن افغانستان، ترکمنستان، تاجیکستان، اوزبیکستان، قزاقستان، قرقیزستان، عراق، ترکیه، پاکستان، هندوستان، روسیه، آلبانی، چین، جاپان، ایران و آذربایجان ده نشانلنه‌دی.
