پایتخت یشاوچیلریدن قطاری کابل شهری بازارلریده ییگولیک ماده‌لر اینیقسه اون قیمتی نینگ یوقاری کیتیشی‌‌‌دن شکایت قیلیب ایتیشلریچه، ییگولیک ماده‌لر خصوصیده عایله‌لری نینگ نیازلری نی تأمین‌لش گه کوچلری ییتیشمه‌یدی.
کابل شهری تایمنی یشاوچیسی حلیم نینگ ایتیشیچه، ییگولیک ماده‌لر قیمتی نینگ یوقاری کیتیشی بیلن، ییگولیک ماده‌لر خصوصیده سکیز کیشی‌لیک عایله نیازلری نی کوپینچه قیین‌چیلیک بیلن تأمین قیله‌دی. «قیمت‌لر جوده‌یم یوقاری کیتگن، کونده کوپ ایشله‌گنی صورت‌ده، ۱۰۰ افغانی بوله‌دی؛ بو پول بیلن نیمه آله‌ی؟ اون، شکر، چای یا-ده باشقه قیین‌چیلیک‌لر نی حل قیله‌ی. بو ۱۰۰ افغانی‌دن نیمه توزه‌له‌دی.»
بیزلرنینگ فیسبوک صحیفه‌میزگه باش اورینگ!
کابل یشاوچیلری مسئوللردن اهالی اقتصادی وضعیتی نی نظر گه آلیش بیلن، پایتخت بازارلریده ییگولیک ماده‌لر قیمتی نینگ کنترول قیلیش‌لری نی ایسته‌یدیلر.
کابل شهری کارته‌ی پروان یشاوچیسی صبور نینگ ایتیشیچه: «اهالی کوپینچه قیین‌چیلیک بیلن روپه‌ره دیر. حکومت قیمت‌لر نینگ کنترول قیلیب و قیمت‌لر نینگ یوقاری کیتیشی گه توسیق بولیشی کیره‌ک؛ چونکه ایش یوق و اهالی قیین‌چیلیک بیلن روپه‌ره دیر.»
باشقه بیر تامان‌دن کابل شهری‌ده دکان‌دارلردن قطاری نینگ ایتیشلریچه، نیچه مدت‌دن بویان دستلبکی ییگولیک ماده‌لر اینیقسه اون بهاسی کوپه‌یماقده دیر.
کابل شهری نینگ مکروریان منطقه‌سیده‌گی دکان‌دارلردن کریم نینگ ایتیشیچه: «بوگون بیر بوجی اون ۱۹۰۰ افغانی دیر. بوندن آلدین ۱۶۵۰ افغانی ایدی و حاضر ایسه ۱۹۰۰ افغانی بولگن. بو تُن اون ۴۵۵ دالر بولگن که بوندن آلدین ۳۶۰ دالر ایدی. شکر هم قیمت بولگن.»
افغانستان سوداگرلیک و سرمایه یاتقیزیش اتاقی مسئوللری نینگ ایتیشلریچه، سالنگ قتناو یولی نینگ بدیل یول‌لریدن توارلر نینگ وارد قیلیش بیلن، مذکور ماده‌لر قیمتی نینگ پایتخت بازارلریده کمه‌یتیریش خصوصیده سعی و حرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
افغانستان ده سوداگرلیک و سرمایه یاتقیزیش اتاقی اورین‌باسری خان‌جان الکوزی نینگ سلام‌وطندار گه ایتیشیچه: «هرات و تورغندی دن کابل گه ماده‌لر نینگ کیلتیریشی‌میز پیتده، ۱۲یوز کیلومتر‌دن کوپراق یول نی یوری‌میز و کون‌لر اوته‌دی. ماهی‌پر‌ده تاپیلگن قیین‌چیلیک، بازار‌ده قیمت خصوصیده تاثیر قویه‌دی. حاضر ایسه اون ایران یولیدن انتقال تاپه‌دی و شیبر یولیدن هم کیچیک موتر‌لر اون کیلتیره‌دی. قیمت نینگ بوندن کوپراق بولمه‌یشی نی کوتیب تورگن‌میز و قیمت‌لر نینگ کمه‌یتیریش اوچون سعی و حرکت قیله‌میز.»
سالنگ قتناو یولی نینگ یاپیلگنی‌دن کیین بیر سیر شکر ۴۵۵ افغانی‌دن ۵۴۰ افغانی و قزاقستان‌‌لیک ییتی سیره اون نینگ ۱۶۵۰ افغانی‌دن ۱۹۰۰ افغانی گه کوپه‌یگنی بیرحالده، کابل یشاوچیلری ییگولیک ماده‌لر بهاسی نینگ کوپه‌یگنی خصوصیده شکایت قیلگنلر.
