اوکراین رسمیلرینینگ اعلام قیلیشیچه، روسیه آرقهلی بو مملکتنینگ بیر قطار بولیملریگه اویوشتیریلگن راکته و پهپاد هجوملری عاقبتیده، کمیده آلتی کیشی اولیب و باشقه ۱۵ کیشی یرهلنگن.
رسمیلرگه کوره، روسیه اوتگن شنبه کونی اوکرایننینگ تورلی بولیملری جملهدن بو مملکت پایتختی کییفنی نشان گه آلگن.
اوکراین جمهور باشلیغی ولودیمیر زلنسکینینگ ایتیشیچه، روسیه کوچلری اوشبو هجوملرده کییف یقینیدهگی انرژی آستقورمهلرینی نشانگه آلگن، لیکن یشش بنالر، مکتبلر و تجاری مرکزلرگه هم زیان ییتیشگن.
زلنسکیگه کوره، روسیهنینگ راکته و پهپادی هجوملریده سومی، خارکیف، دنیپرو و میکولایف منطقهلریهم نشانگه آلینگن.
اوکراین رسمیلرینینگ کوپهیتیریشیچه، روسیه مذکور هجوملرده قریب ۴۳۰ پهپاد و ۶۸ راکته آتیب و اولردن کوپ قطاری بو مملکت هوا مدافعه تیزیملری آرقهلی انیقلهنیب و یوق قیلینگن.
