بلخ ده خبرچیلردن قطاری نینگ ایتیشلریچه، اوشبو ولایت محلی مسئوللری نینگ تلویزیون و رادیو‌لر بیلن ایکی‌خیل یانده‌شووی، نیاز پیتده معلومات گه قول تاپه آلمسلیککه سبب بولگن.
بلخ ده محلی خبرچیلردن فرید‌الله (مستعار آت) نینگ ایتیشیچه: «معلومات گه قول تاپه آلمه‌یمیز، قیغو بیلن ییتکرمهلر بیلن ایکی‌خیل یانده‌شیله‌دی. تصویری ییتکرمهلر نی برنامه‌لر گه دعوت قیله‌دیلر؛ بیراق رادیو‌لر، چاپی و خبرگزارلیک‌لری نی برنامه‌لر گه دعوت قیلمه‌یدیلر و شونینگدیک معلومات شریک قیلیش خصوصیده هم تصویری ییتکرمهلر بیلن کوپراق همکارلیک بوله‌دی و بیزلر گه معلومات شریک قیلمه‌یدیلر.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو ولایت‌ده صدای افغان خبرگزارلیگی نینگ خبرچیسی سجاد موسوی نینگ ایتیشیچه: «مزارشریف ده بیر زون صفتیده قیین‌چیلیک‌لر کوپ و بو قیین‌چیلیک‌لر معلومات گه قول تاپه آلیش نینگ کمه‌یگنی، کم توجه‌لیک و بعضا تصویری ییتکرمهلر نینگ رادیو‌لر گه کوره اولویت بیریلیش گه شامل دیر.»
بلخ ده ییتکرمه‌لردن قطاری نینگ مسئوللری، معلومات‌دن تینگ شکلده فایده‌لنیش حقی گه تاکید‌لب ایتیشلریچه، محلی مسئوللر ییتکرمهلر نوعیتی گه توجه قیلمه‌ی، اولر بیلن همکارلیک قیلیشی کیره‌ک.
بو توغریده اوشبو ولایت‌ده‌گی رادیونهاد مسئولی سید‌محمد یزدان پرست نینگ ایتیشیچه: «مثال بیره‌من که بلخ پولیس قوماندانی شهر گه کیتگنی‌ده تصویری ییتکرمهلر یانیده ایدی و بلخ تومنی‌ده مولانا آته‌سی نینگ خانقا‌سی قیته قوریلیشی اوچون معلومات و مدنیت باشلیغی بارگنی و یا باشقه هر برنامه بولسه، تصویری ییتکرمهلر گه اولویت بیریله‌دی و مسئوللردن، ییتکرمه‌لرده آسایشته‌لیک یره‌تیلیشی نی ایسته‌یمیز.»
شونده‌ی بیرحالده، معلومات و مدنیت وزیرلیگی نینگ نشراتی ایشلری بوییچه معینی حیات‌الله مهاجر فراهی نینگ ایتیشیچه، خبرچیلر و ییتکرمهلر محلی مسئوللر آرقه‌لی ایکی‌خیل یانده‌شوو بیلن روپه‌ره بولگنلری صورت‌ده، ییتکرمهلر تخطی کمیسیونی گه شکایت‌لری نی ثبت قیلیش اوچون مراجعت قیله آله‌دیلر.
بیزلرنینگ «ایکس» ترماغی ده هم تعقیب قیلینگ!
جناب فراهی نینگ کوپه‌یتیریشیچه: «خبرچیلر بو کبی مورد‌لر بیلن روپه‌ره بولگنلری صورت‌ده، ییتکرمهلر تخطی کمیسیونی گه مراجعت قیلسینلر و شونینگدیک برچه سوزلاوچیلر گه وقتی‌ده معلومات نینگ خبرچیلر گه اختیاری گه قرار بیریشلری نی ایتگن‌میز.»
ایتیش کیره‌ک که، اسلام امیرلیگی نینگ قدرت گه ایریشگنی‌دن کیین، بلخ ده ۹ تلویزیون و ۱۲ رادیو نینگ نشراتی توخته‌گن.
