جمهوریت توزومی قولشیدن سونگ پاکستان گه باش پنه‌ایزلب بارگن خبرچیلردن بیرقطاری، تشقی مملکت‌لر ایلچی‌خانه‌لری ده دوسیه‌لرینی کوریب چیقیش جریانی سُست‌لیگیدن شکایت قیله‌دیلر.
نیچه ییل رادیو ده ایشلب و بیر ییل دن بیری پاکستان پایتختی اسلام‌آباد ده حیات کیچیریب کیله‌یاتگن روح‌الله نوری نینگ ایتیشیچه، اروپا مملکت‌لری ده قالیش تقدیری نامعلوم‌لیگی بیر تاماندن و پاکستان ده ویزه‌سی اوزه‌یتیریلمسلیگی باشقه تاماندن، بو مملکت ده او نینگ حیاتینی مرکب‌لشتیرگن.
او نینگ کوپه‌یتیریشیچه: «مهاجرت دوسیه‌لریم نینگ وقتی اوتماقده و افسوس بیلن بوتوغریده دقت قیلینمه‌گن. پاکستان ده خبرچیلرنی حمایت قیلووچی هیچ بیر نهاد حاضرگچه مینگه معنوی یاردم کورستمه‌گن.»
بیزلرنینگ فیسبوک صحیفه‌میزگه باش اورینگ!
۱۰ ییل رادیو و تلویزیون ده ایشلب و سکیز آی آلدین پاکستان گه مهاجر بولیب بارگن افغانستان‌لیک خبرچیلردن باشقه بیری نسیمه رونق گه کوره، باش پنه‌ایزلب باریب قالیشنی قصد قیلگن مملکت تامانیدن جواب قیتریلمسلیگی اونی تشویشی گه سبب بولگن. او نینگ کوپه‌یتیریشیچه: «نیچه مراتبه دوسیه‌لریم تیزلیک بیلن کوریب چیقیلیشی اوچون انترنیوز دفتری گه ایمیل جونه‌تدیم؛ لیکن حاضرگچه کیس‌نمبر کیلگن یوق افسوس‌لنرلی دیر. باشقه مملکت‌لر ده هم ویزه درخواستینی بیرگن‌من، بیراق هیچ بیری دن جواب کیلگن یوق.»
شونینگدیک ایکی ییل دن بیری پاکستان ده یشب کیله‌یاتگن خبرچیلر دن باشقه بیری احسان‌الله حبیب نینگ ایتیشیچه، ویزه مدتی اوزه‌یتیریلمسلیگی، اقتصادی معما و اقامت دوسیه‌سی کوریب چیقیلیش جریانی سُست‌لیگی، او نینگ اساسی قیینچیلیگی گه اوزگرگن.
بو خبرچیلر دنیا همجمعیت، قاچقین قبول قیلووچی مملکت‌لر و ییتکیرمه‌لر نینگ قوللب-قوتلاوچی نهادلر دن، افغانستان‌لیک اوشبو خبرچیلر نینگ قیینچیلیگی گه دقت قیلیب و اقامت دوسیه‌لری تیکشیریلیش جریانی تیزلشتیریلیشینی سوره‌یدیلر.
بیزلرنینگ «ایکس» ترماغی ده هم تعقیب قیلینگ!
باشقه تاماندن، تبعید ده افغانستان خبرچیلر فدراسیونی، پاکستان ده افغان خبرچیلری نینگ قیینچیلیک‌لرینی قبول قیلیب ایتیشیچه، بو نهاد خبرچیلر نینگ قیینچیلیگی حلی و ویزه‌لری نینگ مدتی اوزه‌یتیریلیشی اوچون کوپ تلاش قیلگن.
مذکور فدراسیون نینگ فرهنگی کمیته مسئولی محمدجان تمکین گه کوره، بو نهاد نینگ اوتگن ییل ده‌گی دادخواهی‌لیگی نتیجه بیردی و اولر چیگره بیلمس گزارش‌‌گرلر تشکیلاتی (RSF) یاردمی بیلن پاکستان دن ۴۰ خبرچینی فرانسه و باشقه بیر قطار مملکت‌لر گه یوباریش زمینه‌سینی یره‌تدیلر.
او نینگ کوپه‌یتیریشیچه: «حاضر ۶۰ خبرچی نینگ دوسیه‌لری کوریب چیقیلماقده، اولر پاکستان نی ترک قیلیب و باش‌پنه‌لیک درخواست بیرگن مملکت‌لر گه باریش زمینه‌سی یره‌تیلیشی اوچون تلاش قیلینماقده.»
تمکین نینگ اورغولشیچه، خبرچیلر نینگ دوسیه‌لری کوریب چیقیلیش جریانی تیزلشتیریلیشی اوچون مستقیم و نا مستقیم علاقه‌لر بیلن دادخواهی‌لیک و قولی‌لیک یره‌تیش مقصدیده سعی‌وحرکت قیلماقده‌لر.
پاکستان دولتی سونگی نیچه آی ده افغانستان‌لیک مینگلب فقرانی قانونی حجت‌سیزلیک اوچون قولگه آلیب و جبر دن چیقرگن بیرحالده، پاکستان ده‌گی افغان خبرچیلری، پاکستان ده تقدیرسیزلیک و یشش قیینچیلیک‌لری دن شکایت قیلماقده.