آمریکا مدافعه وزیرلیگی یا-ده پنتاگون سوزلاوچیسی جان اف کربی نینگ ایتیشیچه، اوشبو مملکت حربی کوچلرینی افغانستانده ترورچی‌لیککه قرشی عملیات و هوایی هجوم اویوشتیریش خصوصیده صلاحیتی بار و بوتوغریده طالبان بیلن هماهنگ‌لیککه نیاز ایمس.
بیزلرنینگ فیسبوک صحیفه‌میزگه باش اورینگ!
اوتکن کون جان کربی نینگ خبری بیر ییغینده ایتیشیچه: « عملیات اویوشتیریش اوچون ییترلی جوازی‌میز بار و طالبان بیلن هماهنگ‌لیک قیلیش‌گه نیاز یوق.»
آمریکا مدافعه وزیرلیگی سوزلاوچیسی نینگ افغانستان هوایی حریمی‌نی طالبان قلمروی صفتیده رسمیت‌گه تانیش خصوصیده ایتیشیچه: « هوایی هجوم حقیده صحبت قیلمسدن ایتیشیم کیره‌ک که طالبان بیلن هوایی حریم هماهنگ‌لیگی خصوصیده هیچ‌قنده‌ی نیاز یوق و کیله‌جک‌لرده نیاز بولگن صورتده تروریسم‌گه قرشی عملیات صورت تاپیشی ممکن.»
کربی نینگ تاکید قیلیشیچه، اوشبو مملکت ترورچی‌لیککه قرشی عملیات اوچون بوتون اختیارلرنی سقله‌یدی و کیله‌جک‌لرده کوچلرینی سقلشدن ایشانچ بیره‌دی. شونینگدیک، اونینگ آمریکا کوچلری یا-ده اوچووچی‌سیز اوچاغ‌لری نینگ طالبان تامانیدن هجوم آستیگه قرار بیریلیشی خصوصیده بولگن سوراققه جواب قیتیریب ایتیشیچه، هر بیر عملیاتده بوتون عامل‌لر نظرگه آلینه‌دی.
بیزلرنینگ فیسبوک صحیفه‌میزگه باش اورینگ!
آمریکا، طالبان بیلن امضالگن شرطنامه‌سی اساسیگه حربی کوچلرینی افغانستاندن چیقارگن و حاضرگه‌قدر اسلامی امارت و وقتنچه‌لیک حکومت اعلانی‌نی افغانستان قانونی حکومتی صفتیده رسمیت‌گه تانیمه‌گن.
