پروان محلی مسئوللری، کیله‌سی هفته اوشبو ولایت نینگ مرکزی چاریکار شهری دن تیلنچیلرنی ییغیش جریانی باشله‌نیشیدن خبر بیره‌دیلر.
بوگون (دوشنبه، ۳ میزان) پروان حاکمی عبیدالله امین‌زاده، قطار دولت اداره‌لر باشلیغ‌لری بیلن اوتکزگن ییغینده ایتیشیچه، کیله‌سی هفته پروان مرکزی چاریکار شهری ده تیلنچیلرنی ییغیش جریانینی باشله‌یدیلر.
جناب امین‌زاده نینگ کوپه‌یتیریشیچه، تیلنچی‌لر نینگ قیینچیلیکلری حلی اوچون اولر بایومتریک بوله‌دی.
بیزلرنینگ فیسبوک صحیفه‌میزگه باش اورینگ!
عین‌حالده، پروان ایش و اجتماعی ایشلر ریاستی نینگ آمری عبدالربی رحمان‌فر، اوشبو خبرنی تصدیقلب سلام‌وطندار گه ایتیشیچه، حاضرگی ایش قاعده‌لری اساسیده، سکیز اداره تیلنچیلرنی ییغیش و بایومتریک قیلیشگه مسؤل دیر.
جناب رحمان‌فر گه کوره، مذکور ریاست نینگ تیکشیروی گه بناً، چاریکار شهری بویلب باله‌لر و عیاللر شامل ۵۰۰ کیشی تیلنچی‌لیک قیله‌دی.
او هوتل ایگه‌لری، دوکاندارلر و محل یشاوچیلریدن تیلنچیلرنی ییغیش اوچون پروان ولایتی ایش و اجتماعی ایشلر ریاستی گه یاردم بیریش‌لرینی طلب قیله‌دی.
بیزلرنینگ توییترده هم تعقیب قیلینگ!
پروان ایش و اجتماعی ایشلر ریاستی نینگ کوپه‌یتیریشیچه، اوشبو ولایتده تیلنچی‌لر علاحیده صنف‌لرده بولینیب و قیینچیلیکلری حل ایتیله‌دی.
عین‌حالده، اوتگن بیر ییل ده قشاق‌لیک و ایش‌سیزلیک باعث، چاریکار شهری ده تیلنچی‌لر سانی کوپه‌یگن.
ایتیش کیره‌ک که، سونگی بیر آی ده کابل شهری بویلب تیلنچیلرنی ییغیش جریانی باشلنگن.
اوتگن کون (یک‌شنبه، ۳ میزان) اسلامی امارت باش وزیری نینگ اقتصادی اورین باسرلیگی، اوز توییتری ده یازیشیچه، تیلنچیلرنی ییغیش کمیته، اوشبو ییل ۲ میزان گچه، ۸ مینگ ۴۴۴ تیلنچینی کابل شهری بویلب ییققن، اولر ارا ۵ مینگ ۷۷۹ ته‌سی عیاللر دیر.
