فاریاب ده تیلنچیلرنی ییغیش؛ تیلنچی‌لر: بیز گه یاردم بیرسین‌لر
فاریاب ده تیلنچیلرنی ییغیش کمیسیون مسئوللری نینگ ایتیشلریچه، اسلام امیرلیگی رهبری نینگ بویروغی و مذکور ولایت محلی رسمی‌لری نینگ قراری گه بناً، ییتتی نهاد جمله دن ولایت مقامی، امنیه قوماندان‌لیگی، ساغلیق‌نی سقلش، شهیدلر و ناگران‌لر، ایش و اجتماعی ایشلر ریاست‌لری همده میمنه بلدیه‌سی و افغان قیزیل آی جمعیتی شامل تیلنچی‌لر نی ییغیش کمیسیونی شکللنگن. اولر گه کوره، فاریاب ده اوتگن هفته دن بیری تیلنچیلرنی ییغیش جریانی باشلنگن و تورت کون ایچیده میمنه شهری نینگ تورلی بورچک‌لریدن ۱۳۰ تیلنچی ییغیلیب و تعیین‌لنگن مکان گه انتقال بیریلگن.
